Quryltaı Ulytaý oblysynda ótedi
Ulttyq quryltaıdyń alǵashqy otyrysy 16 maýsymda ótedi. Bul týraly memlekettik hatshy Erlan Qarın aıtty, dep habarlaıdy Almaty-akshamy.kz.
Memlekettik hatshy quryltaı jańadan qurylǵan Ulytaý oblysynda ótetinin atap ótti. Al jańa konsýltatıv-keńesshi organ quramyna depýtattar, Qazaqstan halqy Assambleıasynyń, azamattyq qoǵam men saıası partıalardyń ókilderi, kásipkerler men kórnekti sarapshylar, sondaı-aq, óńirlik qoǵamdyq keńes músheleri kiredi.
«Ulttyq quryltaıdyń mańyzdy mindetteriniń biri - qoǵamdyq nyǵaıtýdy odan ári damytý boıynsha ıdeıalar daıyndaý», - dep jazdy Erlan Qarın Telegram-arnasynda.
Eske salaıyq, 29 sáýirde Prezıdent Qasym-Jomart Toqaev Ulttyq quryltaıdyń alǵashqy otyrysy bir aıdan keıin ótetinin aıtqan edi.