Qordyń ınvestısıalyq tabysy 142 mln dollardy qurady.
Ulttyq banktiń aldyn ala málimetterine qaraǵanda, mamyr aıynyń qorytyndysy boıynsha Ulttyq qordyń valútalyq aktıvteriniń kólemi 53,8 mlrd dollardy qurap, ótken aıda 1,3 mlrd dollarǵa artty, dep habarlaıdy Almaty-akshamy.kz Egemen.kz silteme jasap.
«Ótken aıda Ulttyq qordan respýblıkalyq búdjetke Ulttyq qordyń teńgelik shotyndaǵy qaldyqtar jáne qorǵa teńgelik túsimder esebinen transfertter túrinde 370 mlrd teńge bólindi. Munaı baǵasy men salyq aptasynyń joǵary bolýyna baılanysty qorǵa túsetin valútalyq túsimder mamyr aıynda 1,15 mlrd dollardy qurady», - dedi Ulttyq Bank tóraǵasynyń orynbasary Álıa Moldabekova.
Onyń aıtýynsha, ótken aıdyń qorytyndysy boıynsha Ulttyq qordyń ınvestısıalyq tabysy oń qalyptasyp, 142 mln dollardy qurady.
Bul rette Ulttyq qordyń uzaq merzimdi kiristiligi qurylǵannan bastap jyldyq mánde 3,24%-dy, sońǵy 5 jylda 2,30%-dy quraıdy.