1 qańtardan bastap Qazaqstanda "Ulttyq qor – balalarǵa" jobasy sheńberinde balalarǵa aqsha aýdarý týraly Prezıdent jarlyǵy kúshine endi. Qarajat balalardyń esep-shotyna avtomatty túrde túsedi, dep habarlaıdy Almaty-akshamy.kz.
Joba jaıly
Ulttyq bank basshysy Tımýr Súleımenov “Ulys suhbatta” “Ulttyq qor – balalarǵa” baǵdarlamasyna qatysty suraqtarǵa jaýap berdi. Onyń aıtýynsha, bul memleket pen qoǵam qarym-qatynasy turǵysynan ádil bastama.
"Ár balaǵa jeke shot ashylady, aqsha soǵan aýdarylady. Bala dúnıege kelgen kezde týý týraly kýálik, járdemaqy alyp qana qoımaı, jeke shottyń avtomatty túrde ashylýy boıynsha da qyzmetterdi rettep jatyrmyz. Biz bul qyzmetti aıaqtaımyz, iske qosamyz. Ata-analar bul esepti kóre alady. Barlyǵy qansha soma jınaqtalǵanyn, zeınetaqy qorynan kóshirmeniń qalaı kelgenin kóre alady", - dedi Súleımenov.
Ata-analar ne isteýi kerek?
"Eshkimge bankke barýdyń qajeti joq. Aqshany 18 jasynda ǵana alady, sol jerde bankte shot ashý qajet bolady. Keıin biz Ulttyq qordan BJZQ arqyly shotqa aýdaramyz. Ol kelip, aqshasyn alady. Biraq 18 jasqa deıin aqsha tek shotqa túsip otyrady. Tehnıkalyq turǵydan biz daıynbyz jáne eshqandaı problema bolmaıdy dep oılaımyz", - dedi Ulttyq bank basshysy.
18 jasqa deıingi bala qansha aqsha jınaı alady?
"Ulttyq qordyń kólemine, ınvestısıalyq kiris dınamıkasy súıendik. Bul rette, tolyq 18 jylǵa 3,5 myń dollardan keledi. Shottyń devalvasıadan qorǵalýy da esepke alyndy", - dedi Súleımenov.
Aıta keteıik, buǵan deıin Qazaqstan Prezıdenti balalarǵa Ulttyq qordan aqsha esepteý týraly Zańǵa qol qoıǵan bolatyn.
Zań normalary
Ulttyq qordyń jyl saıynǵy ınvestısıalyq tabysynyń 50% -. balalardyń 18 jasqa tolǵanǵa deıingi arnaıy jınaqtaý shottaryna turǵyn úı satyp alýǵa jáne bilim alýǵa keıinnen paıdalaný múmkindigimen merziminen buryn alý quqyǵynsyz aýdarý kózdeledi.
Aqshany qashan túse bastaıdy?
Prezıdenttiń tapsyrmasyna sáıkes, balalardyń shottaryna aqsha esepteý 2024 jyldyń 1 qańtarynda bastalady. 2024 jyldyń 1 aqpanynda túse bastaıdy.