Qazan aıynda Ulttyq banktiń altyn-valúta rezervterinen 253 mln dollar satyldy. Bul soma Ulttyq bank «Qazatomónerkásip» aksıalaryn satyp alǵannan keıin aktıvterdi konvertasıalaý operasıalarynyń bir bóligi boldy.
Ulttyq banktiń valúta naryǵyndaǵy jaǵdaı týraly esebine sáıkes, qazan aıynyń qorytyndysy boıynsha teńge baǵamy taǵy da álsiredi. Dollar baǵasy 1,5 paıyzǵa ósip, 488,23 teńgege jetti. Qazan aıynda KASE bırjasyndaǵy saýda kólemi kún saıyn ortasha eseppen 222 mln dollardan 278 mln dollarǵa deıin ulǵaıyp, bir aıda 6,1 mlrd dollardy qurady.
Ótken aıda respýblıkalyq búdjetke transfertterdi qamtamasyz etý úshin Ulttyq qordan 1,3 mlrd dollardan astam soma satyldy. 10 qazannan bastap Biryńǵaı jınaqtaýshy zeınetaqy qorynyń (BJZQ) ınvestısıalyq portfeline valúta satyp alý toqtatyldy, sebebi qordyń valúta aktıvteriniń kólemi 40%-ǵa jetti.
Ulttyq bank qarasha aıynda altyn-valúta rezervterinen taǵy 130-140 mln dollar satýdy josparlap otyr. Sonymen qatar, respýblıkalyq búdjetke transfertterdi qamtamasyz etý úshin Ulttyq qordan qosymsha 1,2-1,3 mlrd dollar kóleminde soma satý kózdelgen.
Kelesi aıda BJZQ-ǵa valúta satyp alý josparlanbaǵan.