Ázirge naqty shegi belgilenbegen.
Endi transfert kólemi zańmen bekitilmek, dep habarlaıdy aqshamnews.kz
Tımýr Súleımenov Úkimet Ulttyq banktiń bul usynysymen keliskenin jetkizdi. Ereje nysanaly da, kepildendirilgen transfertterge qoldanylady.
«Nysanaly transfertti kez kelgen jobaǵa bóle berýge bolmaıdy. Bul áleýmettik-ekonomkalyq áseri úlken, ulttyq deńgeıdegi joba bolýy shart. Qarjy jáne Ulttyq ekonomıka mınıstrligimen osy búdjet erejeleriniń kepildendirilgen transfertke ǵana emes, Ulttyq qordan alynatyn búkil qarjyǵa qatysty qoldaný máselesin talqylap kelisimge keldik», – dedi Súleımenov.
Súleımenovtiń aıtýynsha, nysanaly transfert shegi qańtar aıynyń sońyna deıin naqtylanady.
Dese de 2025 jyly Úkimet Ulttyq qordan 5,3 trln teńge qarjy alýdy josparlap otyr. Onyń 2 trln teńgesi kepildendirilgen transfert bolsa, 3,3 trln teńgesi – nysanaly transfert bolmaq.
2024 jyldyń 12 aıynda Ulttyq qorǵa jalpy 8,8 trln teńge túsken. Alaıda qordan byltyr 5,6 trln teńge respýblıkalyq búdjetke aýdaryldy. 2024 jyldyń 1 qańtarynda qorda 29,8 trln teńge qarjy bolsa, qazir 33 trln teńgeden sál ǵana asady. Iaǵnı bir jylda qordaǵy qarjy bar-joǵy 3 trln teńgege ósken.