Áleýmettik jelilerde ótemaqy tóleý týraly aqparat taǵy da tarady.
Endi alaıaqtar Qazaqstan Respýblıkasy Ulttyq qorynyń atynan áreket etýde. Bul jarıalanym – feık, oǵan senýdiń qajeti joq, dep habarlaıdy Almaty-akshamy.kz.
Stopfake.kz málimetinshe, jarnamadaǵy silteme QR Ulttyq qorynyń jalǵan saıtyna aparady. Onda 2020-2029 jyldarǵa arnalǵan azamattarǵa ótemaqy tóleý jobasy týraly jańalyq jarıalanǵan. Olar salyq aýdarymdaryna, jumys ótiline, ótken jyldaǵy satyp alý qabiletine jáne shyǵyndarǵa negizdelgen. Ótemaqy mólsherin tekserý úshin paıdalanýshy óziniń JSN-in terýge tıis.
Jalǵan saıttarda jeke aqparatty qaldyrmaǵan jón. Alaıaqtar ony óz paıdasyna paıdalanady.
«QR Ulttyq qorynyń resmı saıty joq. Tólemder boıynsha barlyq aqparat QR Úkimeti men QR Ulttyq bankiniń portaldarynda jarıalanady. Resmı aqparat kózderinde 2020-2029 jyldarǵa arnalǵan azamattarǵa ótemaqy tóleý jobasy týraly habarlanǵan joq.
Sońǵy kezderi memlekettik organdardyń atynan mundaı habarlandyrýlar tanymal áleýmettik jelilerde jıi jarıalanýda. Biz olardyń jalǵan ekenin eskertken bolatynbyz», - delingen Ulttyq qor habarlamasynda.
.