Saıasattanýshy Andreı Chebotarev Ulttyq quryltaı IV otyrysynyń aldynda BAQ ókilderine Ulttyq qoǵamdyq senim keńesin Ulttyq quryltaıǵa aınaldyrý qoǵamǵa ne bergenin aıtty.
Bul týraly aqshamnews.kz Kaz.inform.kz-ke silteme jasaı otytyp habarlaıdy.
— Men Ulttyq qoǵamdyq senim keńesiniń múshesi bolǵan kezde bir ǵana jumys formaty boldy. Onda biz partıalyq júıe, saılaý júıesi, jergilikti basqarý sıaqty naqty reformalar boıynsha naqty usynystar jazǵan edik. Zań jobalaryn ázirleýge qatystyq. Bul shynymen quqyqtyq baǵyttaǵy jumys boldy. Memleket basshysy 2022 jyly Ulttyq keńes óz mısıasyn oryndaǵanyn aıtyp, Ulttyq quryltaı deıtin jańa format engiziletinin aıtty. Endi sonyń jumysy múldem basqa formatta ekenin kórip otyrmyz, — deıdi ol.
Saıasattanýshy Ulttyq keńestiń quramy Ulttyq quryltaı quramynan eki ese az bolǵanyn aıtady.
— Bul formattyń jaqsy tusy — aımaqtardaǵy qoǵamdyq keńesterdiń ókilderi quryltaıǵa tartylǵan. Aımaqtardaǵy problemalar men utymdy bastamalardy solar arqyly bilip otyrýǵa múmkindik bar. Eń bastysy, bul vertıkaldy dıalog emes. Prezıdent, quryltaı músheleri, bılik pen qoǵam bolyp bir alańda betpe-bet otyryp tildesemiz, — deıdi saıasattanýshy.
Sondaı-aq, ol keńeıtilgen formattaǵy dıalogqa saıası partıalar belsendi qatysyp jatqanyn atap ótti.
— Ulttyq quryltaı múshesi qoǵamdyq kelisimniń bul formaty azamattardy bılikke jaqyn nemese opozısıa ókili dep bólmeıtinin aıtady. Munda tek bılik qurylymdarynyń ókilderi ǵana emes, qazaqstandyq opozısıanyń syralǵy ókili, «Dat» gazetiniń baspageri Ermurat Bápı de bar. Qazir ol Májiliste óz pikirin ashyq aıtyp júr. Ózderin opozısıalyq partıamyz dep esepteıtin JSDP-nyń ókilderi de bar. Iaǵnı, partıalardyń bári Ulttyq quryltaıdan tys qalmaǵan, — deıdi Andreı Chebotarev.