Qazaqstanda ishki naryqtyń qajettilikterin tolyq óteıtin sıyr etin óndirýdiń turaqty ósimi jalǵasýda.
2024 jyldyń qorytyndysy boıynsha sıyr eti óndirisi 430 myń tonnany qurap, 2023 jylmen salystyrǵanda 7,5%-ǵa artty, dep habarlaıdy aqshamnews.kz.
2025 jyly bul dınamıka saqtalýda: qańtar aıynda 24,7 myń tonna et óndirildi, bul ótken jyldyń sáıkes kezeńimen salystyrǵanda 5,2%-ǵa joǵary.
Qazirgi ýaqytta qazaqstandyq sıyr eti men tiri iri qara mal álemniń 8 eline eksporttalýda, bul otandyq óndirýshiler ónimderiniń joǵary sapasy men básekege qabilettiligin kórsetedi.
Salany damytý maqsatynda jalpy syıymdylyǵy 380,1 myń basqa arnalǵan 249 bordaqylaý alańy jumys isteıdi. Júrgizilgen monıtorıńke sáıkes, qazirgi tańda bordaqylaýda 174,2 myń iri qara mal bar, bul jalpy qýattylyqtyń 45,8%-yn quraıdy.
Aýyl sharýashylyǵy taýar óndirýshilerin qoldaý maqsatynda memleket tarapynan bordaqylaý alańdaryna nemese et óńdeý kásiporyndaryna ótkizilgen buqashyqtardy sýbsıdıalaý júrgizilýde. Qazirgi ýaqytta 130 myń iri qara maldy qamtıtyn 6,4 mlrd teńge kóleminde sýbsıdıa tólendi. Sýbsıdıa mólsheri tiri salmaǵynyń ár kılogramyna 200 teńgeni quraıdy.
Aýyl sharýashylyǵy mınıstrligi sapaly et ónimderin óndirýdi yntalandyrý, eksporttyq múmkindikterdi keńeıtý jáne mal sharýashylyǵy salasynyń tıimdiligin arttyrý boıynsha jumystardy jalǵastyrýda.