Qazaqstannyń atom elektr stansıasyn bilikti jumys kúshimen qamtamasyz etýge áleýeti jetkilikti. Atom energıasy jónindegi halyqaralyq agenttik (AEHA) jobasynyń menedjeri Chıraıý Batra atap ótkendeı, Qazaqstannyń baı ýran resýrstary men ıadrolyq zertteýler salasyndaǵy mol tájirıbesi eldiń atom energetıkasy salasynda damý múmkindikterin keńeıtedi.
Chıraıý Batra, AEHA joba menedjeri: "Qazaqstan komersıalyq atom energetıkasyna endi qadam basyp otyr, biraq bul el úshin jańalyq emes. Qazaqstannyń ýran resýrstary men ıadrolyq zertteýlerdegi baı tájirıbesi oǵan ulttyq ıadrolyq baǵdarlamany damytý úshin neǵurlym tıimdi jaǵdaı jasaıdy. Bul elge atom stansıalaryn paıdalanýdyń normatıvtik bazasyn qurý men ádis-tásilderin ázirleý ońaıyraq."
Bul pikir Qazaqstannyń atom energetıkasyn damytýdyń keleshegine úlken úmit artyp otyr. Tabıǵı resýrstarǵa baı Qazaqstannyń atom energetıkasyn damytýy ekologıalyq taza jáne turaqty energıa kózine aınalýǵa múmkindik beredi, bul eldiń bolashaqta energetıkalyq táýelsizdigin qamtamasyz etedi.