Zertteýge sáıkes, 2015 jyldan bastap 2022 jylǵy shildege deıin elimizdegi avtomobılderdiń "sur" ımportynyń quny shamamen 4,3 mlrd dollarǵa jetken.
"Qazaqstannyń tólem balansynda avtomobılderdiń "sur" ımportyn baǵalaýǵa qatysty" Ulttyq Banktiń ekonomıkalyq zertteýleri jarıalandy, dep jazady Almaty-akshamy.kz Inbusiness.kz-ke silteme jasap.
"Qazaqstan Biryńǵaı saqtandyrý derekter bazasynyń (BQBJ) derekterine sáıkes, 2015 jylǵy qańtardan 2022 jylǵy shildege deıingi kezeńde eldiń saqtandyrý júıesinde jaqyn shet elderdiń nómirleri bar 1,6 mln. jeńil avtomobıl tirkelgen. Derekter 1 mıllıonǵa jýyq mashınany sheteldikter, 558 myń mashınany qazaqstandyqtar saqtandyrǵanyn kórsetedi", - delingen aqparatta.
Zertteýde rezıdent jeke tulǵalardyń EAEO elderiniń sheteldik tirkeý nómirdi avtokólikterdiń ımportyn baǵalaý keltirilgen.
"Baǵalaý avtomobılderdiń ortasha quny sheteldik memlekettik tirkeý nómirlerimen satý týraly habarlandyrýlar boıynsha, sondaı-aq qaıta satýshynyń marjasyn eskere otyryp paıdalanylady. Barlyq habarlandyrýdyń ortasha baǵalaryn paıdalanǵan jaǵdaıda, baǵalaý 7,2 mlrd.dollarǵa jeter edi", - delingen UB baspasóz qyzmeti taratqan aqparatta.
