Ulttyq Bank qyzmetkerleri messendjer arqyly aýdıo jáne beıneqońyraý shalmaıdy.
Ulttyq bank azamattarǵa mańyzdy málimdeme jasady, dep habarlaıdy Almaty-akshamy.kz
Qazaqstan Ulttyq banki qos qadamnan turatyn alaıaqtyq jaǵdaılardyń jıilep ketkenin eskertti.
Vedomstvonyń habarlaýynsha, birinshi kezeńde qaskóıler ózin Ulttyq banktiń nemese basqa da memlekettik jáne quqyq qorǵaý organdarynyń qyzmetkeri retinde tanystyryp, jalǵan qujat jiberedi. Sóıtip banktik aýdarymdarǵa arnalǵan derekteme usynyp, azamattardan barynsha aqsha óndirip alýǵa tyrysady.
"Alaıaqtar qarajatty ıemdenip alǵan soń alaıaqtyq sqemanyń kelesi kezeńine kóshedi. Bul joly ózderin zańger retinde tanystyryp, ańǵal azamattarmen qaıta baılanys ornatady. Ózi sekildi zardap shekken basqa da adamdardyń atynan ujymdyq talap-aryzben áreket etetin syńaı tanytyp, alaıaqtar ıemdenip ketken qarajatty qaıtarýǵa zańgerlik kómek usynady. Osylaısha, qaskóıler aqshalardy qaıtarý úshin "zańgerlik qyzmetke" aqy tóleýdi suraıdy", delingen QR Ulttyq banki taratqan aqparatta.
Aqshalaı tranzaksıa oryndalǵan soń alaıaqtar baılanysqa shyǵýdy toqtatady.
Eske sala ketetin jaıt, Ulttyq Bank qyzmetkerleri messendjer arqyly aýdıo jáne beıneqońyraý shalmaıdy.
"Úshinshi tulǵalar tarapynan oryndalatyn alaıaqtyq áreketterge jol bermes úshin Ulttyq Bank "memlekettik organ qyzmetkeri, Ulttyq Bank qyzmetkeri" bolyp qońyraý shalǵan adammen aradaǵy baılanysty úzip, qandaı da bir talqydan nemese tólem operasıalaryn júrgizýden bas tartýǵa shaqyrady. Ulttyq Bank jeke tulǵalardyń shotyna qyzmet kórsetpeıdi, azamattardyń qarjy quraldaryn saqtandyrýmen aınalyspaıdy, sondaı-aq halyqpen aqshalaı esep aıyrysý operasıalaryn júrgizbeıdi. Eger Siz nemese jaqynyńyz alaıaqtardyń arbaýyna tap bolsa, aryz jazý arqyly Qazaqstan Respýblıkasynyń quqyq qorǵaý organdaryna júginýge keńes beremiz. Keńes alý úshin 1477 qysqa nómiri boıynsha Qazaqstan Ulttyq Bankiniń baılanys ortalyǵyna da habarlasýǵa bolady", - delingen habarlamada.