Memleket jetekshisi halyqaralyq naryqtardaǵy qubylmalylyqtyń artý jaǵdaıynda qarjylyq turaqtylyqty qamtamasyz etýge basa mán berýdi tapsyrdy.
Prezıdent Qasym-Jomart Toqaev Ulttyq bank tóraǵasy Erbolat Dosaevty qabyldady, dep habarlaıdy Almaty-akshamy.kz Akorda.kz silteme jasap.
Memleket basshysy Ulttyq bank tóraǵasynyń bıylǵy 8 aıdaǵy aqsha-kredıt saıasatyn iske asyrýdyń aldyn ala qorytyndysy jóninde, sondaı-aq álem ekonomıkasynyń qaıta qalpyna kelý barysynda ınflásıalyq qaterdiń kúsheıe túskeni týraly esebin tyńdady.
Prezıdentke Úkimetpen birlesip bekitilgen ınflásıaǵa qarsy sharalar men ony júzege asyrýdyń negizgi baǵyttary, sondaı-aq bıylǵy ınflásıanyń jańartylǵan boljamdary týraly baıandaldy.
Sonymen qatar Qasym-Jomart Toqaevqa halyqtyń tabysy men tutyný deńgeıiniń artýyna yqpal etetin Qazaqstandaǵy ekonomıkalyq belsendiliktiń arta túskeni jóninde jáne Prezıdenttiń daǵdarysqa qarsy bastamalaryn iske asyrý barysy týraly málimet berildi.
Budan bólek Memleket basshysyna Qazaqstannyń jalpy halyqaralyq rezervteriniń bıylǵy 8 aıda 93,7 mıllıard dollarǵa deıin ulǵaıǵany jáne Ulttyq qordyń ınvestısıalyq kirisiniń 2,3 mıllıard dollarǵa deıin óskeni týraly aldyn ala derekter usynyldy.
Kezdesý qorytyndysy boıynsha Qasym-Jomart Toqaev ınflásıanyń monetarlyq emes faktorlaryn tómendetýge jáne halyqaralyq naryqtardaǵy qubylmalylyqtyń artý jaǵdaıynda qarjylyq turaqtylyqty qamtamasyz etýge basa mán berýdi tapsyrdy.