Jetekshi baspalarmen kelissózder júrgizilip jatyr.
Mádenıet jáne sport mınıstrligi ulttyq ádebıetti álemdik naryqqa shyǵarý úshin jetekshi sheteldik baspalarmen kelissózder júrgizýde, dep habarlaıdy Almaty-akshamy.kz Egemen.kz silteme jasap.
Bul týraly QR MSM Muraǵattar jáne qujat aınalymy komıtet tóraǵasy Qýat Borash qatysqan Frankfýrt halyqaralyq kitap kórmesinen keıin belgili boldy.
«Qazaq ádebıeti – jahandyq keńistiktiń bir bóligi. Onda ol mańyzdy oryn alady. Jazýshylarymyzdyń arqasynda álemge barynsha keń aýqymda bizdiń baı tarıhymyz ben máýeli mádenıetimiz týraly aıtyp berýdiń biregeı múmkindigine ıe boldyq. Bul rette bizdiń mindetimiz – klasıkterdi de, qazirgi avtorlardy da Eýropa men Azıa naryǵyna shyǵarý. Sondyqtan búgin biz otandyq ádebıetti álemniń tanymal tilderine aýdarý jáne ilgeriletý boıynsha jetekshi baspalarmen kelissózder júrgizip jatyrmyz», - dedi Qýat Borash.
Frankfýrt kitap jármeńkesi kitap shyǵarý álemindegi basty oqıǵalardyń biri bolyp sanalady. Bıyl oǵan álemniń 85 elinen myńdaǵan jazýshy, aqyn, dramatýrgteri qatysqan.