Bıyl ekinshi ret uıymdastyrylǵan baıqaý Mádenıet jáne aqparat mınıstrliginiń qoldaýymen ótti
Baıqaýǵa esh jerde jarıalanbaǵan 300-den asa shyǵarma túsken, dep habarlaıdy almaty-akshamy.kz 24.kz-ke silteme jasap.
Ádildik pen ashyqtyqty qamtamasyz etý úshin baıqaýdyń komısıa músheleri birin-biri bilgen joq. Shyǵarma avtory da qupıa saqtaldy, - deıdi uıymdastyrýshylar.«Úzdik dramatýrgıa» atalymyn aqyn Israıl Saparbaı «Adam ata, Haýa ana» shyǵarmasy úshin ıelendi. Al «Úzdik proza» Qýandyq Túmenbaıǵa buıyrdy. «Úzdik balalar ádebıeti» nomınasıasyna Serik Asylbekulynyń «Konsert» shyǵarmasy laıyq dep tanyldy. Budan bólek, «Úzdik poezıa», «Úzdik komıks» atalymdary óz ıelerin tapty. Barlyq jeńimpazdarǵa 5 mıllıon teńgeniń sertıfıkaty tabystaldy.
Nurjan Qýantaıuly, Qazaqstan Jazýshylar odaǵy tóraǵasynyń orynbasary: - Eń kóp túsken shyǵarma nomınasıa ol poezıa men proza boldy. Al endi eń az túsken – ol komıks. Bizde balalar komıksi áli tolyq damı qoıǵan joq. Endi endi qolǵa alynyp jatyr. Biraq sonyń ózinde balalar komıksynyń damýyna osy baıqaý úlken serpin berip otyr.
Janat Jańqashuly, «Úzdik poezıa» atalymynyń jeńimpazy: - Byltyr osy «Aıboz» syılyǵynyń short lıstyna shyqqan bolatynmyn. Ekinshi álem degen poemammen. Bıyl, mine, osy júlde «Kózimnen súı, kóbelek» atty toptama óleńderime buıyrǵan eken. Qýanyshtymyn. Shyǵarmashylyq adamyna odan asqan baqyt joq, eńbeginiń baǵalanǵanynan.