Shyn máninde, bul joba tyńǵylyqty zertteý men talqylaýǵa laıyq
«Úlken Eýrazıa» mega-jobasy jan-jaqty zertteýdi qajet etedi. Bul týraly Eýrazıalyq ekonomıkalyq forýmynyń jalpy otyrysynda QR Prezıdenti Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Vladımır Vladımırovıch Pýtın (Reseı Federasıasynyń Prezıdenti – avt.) óte qyzyq usynysty aıtyp, ony tıisti túrde tujyrymdap ótti. Bul turǵyda «Úlken Eýrazıa» mega-jobasy eskerilip otyr. Shyn máninde, bul joba tyńǵylyqty zertteý men talqylaýǵa laıyq bolyp tur», - dedi Qasym-Jomart Toqaev.
Osy oraıda Prezıdent aldaǵy ýaqytta bul usynysty júzege asyrýǵa qatysty talqylaý bolýy múmkin ekenin aıtty.
«Sonymen qatar Reseı Prezıdenti tarapynan ıntegrasıa prosesine basqa da múddeli elderdi qosý týraly oryndy usynysy aıtyldy. Bul rette Qytaıdyń «Bir beldeý – bir jol» jobasy týraly, sondaı-aq Eýrazıa keńistigindegi ıntegrasıa prosesterine qosylýǵa qyzyǵýshylyq tanytqan basqa elderdi de aıta alamyz», - dedi Memleket basshysy.
Munymen qosa Qazaqstan Prezıdenti qarjylyq máselelerge de toqtalyp ótti.
«Qarjylyq ózara qarym-qatynystarǵa baılanysty kúrdeli máselege qatysty toqtalsaq, bul taqyryp boıynsha jaqynda Vladımır Vladımırovıch Pýtınmen tyńǵylyqty kelissózder boldy. Osy oraıda tıisti ýaǵdastyqtarǵa kelip, Qazaqstan Úkimeti tarapynan qajet sharalar qabyldandy. Sondyqtan bul baǵyta problema joq dep sanaımyn. Bul jaǵdaıda bir-birimen jaqyn ornalasqan Reseı men Qazaqstan sıaqty memleketter tıisti sheshimderdi taba alady jáne aldaǵy ýaqytta da laıyqty sheshimdi jasaýy kerek», - dedi Qasym-Jomart Toqaev.