Sportshynyń batyldyǵyna tánti bolǵandar kóp
31 jastaǵy Almaz Smaıylqulov Úlken Almaty ózeninde veıkbordpen túrli trúkter jasap, áleýmettik jeli qoldanýshylaryn tańǵaldyrdy, dep habarlaıdy Almaty-akshamy.kz
Veıkbordıng – sý shańǵysy, serfıng jáne snoýbord elementterin qamtıtyn ekstremaldy sport túri
«Jigitter, vıdeo – bomba. Ekeýi de keremet!», «Tańǵalyp turmyn, ǵajap!», «Sen myqty jigitsiń, saǵan mıllıon laık!» dep jeli qoldanýshylary sportshyǵa tánti bolǵanyn bildirip jatyr.
Almaz Smaıylqulovtyń aıtýynsha, sý betindegi trúkter sportty tanymal etý maqsatynda jasalǵan.
«Rolıkti túsirý úshin aldymen qala ákimdiginen resmı túrde ruqsat suradyq. Adam ómirde óz qorqynyshyn jeńe bilýi kerek. Biraq veıkbord – qaýipsiz sport. Sý betindegi trúkter sportty tanymal etý maqsatynda jasaldy. Men túsirilim barysynda qaýipsizdik kıimin kıip aldym. Trúkterdi áýesqoılar qaıtalamaǵany durys. Vıdeony tanymal vıdeograf túsirdi»,– deıdi sportshy.