Shyǵys Qazaqstan oblysynda turǵyn úı kesheniniń qurylysynda úleskerlik negizinde ınvestısıa salǵan 102 adamnyń 1,8 mıllıard teńgesi urlandy. Eki top-menedjer turǵyn úı keshenin salýǵa jalǵan kelisimsharttar jasasyp, azamattardyń qarjysyn zańsyz ıemdengen, dep habarlaıdy aqshamnews.kz
Jobanyń qurylys merzimi únemi uzartylyp, aqyrynda nysan qurylysy aıaqsyz qalǵan. Tergeý barysynda qurylys kompanıasynyń úleskerlerdiń qarjysyn tartýǵa qajetti ruqsat qujattarynyń bolmaǵany anyqtaldy.
Sot sanksıasymen kúdiktiler qamaýǵa alynyp, tergeý ızolátoryna jiberildi. Qarjylyq baqylaý agenttiginiń SHQO boıynsha departamentiniń málimetinshe, jábirlenýshilerdiń shyǵyndaryn óteý jáne múlikti tárkileýdi qamtamasyz etý úshin kúdiktilerdiń 2,3 mıllıard teńge turatyn múlki tárkilendi.
İstiń basqa málimetteri Qazaqstan Respýblıkasy Qylmystyq-prosestik kodeksiniń 201-babyna sáıkes jarıalanbaı otyr.