Olardyń 90%-y – balalar men áıelder
Ýkraınada qarýly qaqtyǵys bastalǵaly kórshi elderge 4 jarym mıllıonnan asa adam bosyp ketken, dep habarlaıdy Almaty-akshamy.kz «Habar 24» telearnasyna silteme jasap.
Olardyń 90%-y – balalar men áıelder. Jýyrda BUU Bosqyndar isi jónindegi Joǵarǵy komısary basqarmasy osyndaı málimet keltirdi. Oǵan saı, ýkraınalyqtardyń kóbi Polshaǵa aýǵan. Bul elge 2 jarym mıllıonnan astam azamat pana izdep barypty.
Jalpy, BUU keltirgen derek boıynsha, ýkraınadaǵy ahýalǵa baılanysty el ishinde qonys aýdarýǵa májbúr bolǵan azamattardyń sany da jeterlik. Sońǵy esep boıynsha, 7 mıllıonnan astam azamat úıin tastap ketken.