Almaty ákimdigi jolaýshylardy kúnine úsh mezgil tamaqtanatyn yńǵaıly qonaq úıge jetkizip, ornalastyrýdy uıymdastyrdy.
Ushaq Polshanyń Katovıse qalasynan ushyp shyqqan bolatyn, dep habarlaıdy Almaty-akshamy.kz
Keshe túngi 22 saǵat 35 mınýtta Almatynyń halyqaralyq áýejaıyna Ýkraınadan evakýasıalanǵan Qazaqstan azamattary Air Astana áýe kompanıasynyń Airbus A321 ushaǵymen ushyp keldi.
Áýejaıda qajet bolǵan jaǵdaıda kelgen jolaýshylarǵa jedel kómek kórsetý úshin medısınalyq mamandar kezekshilik etti.
Almaty ákimdigi evakýasıalanǵan qazaqstandyqtardy kúnine úsh mezgil tamaqtanatyn yńǵaıly qonaq úıge jetkizip, ornalastyrýdy uıymdastyrdy. Almatyǵa kelgenderdiń barlyǵyna ýaqytyly ári jan-jaqty qoldaý kórsetiledi.
Qala ákimdigi qajet bolǵan jaǵdaıda medısınalyq mamandardyń qyzmetin, onyń ishinde psıhologıalyq kómek kórsetýge daıyn.
Qazirgi ýaqytta Almatyǵa Ýkraınadan taǵy da bir repatrıasıalyq reıs keledi dep kútilýde.