Memleket basshysynyń tapsyrmalaryn oryndaý aıasynda Premer-Mınıstr Álıhan Smaıylov «Qazaqstannyń Damý Banki» AQ qyzmetin reformalaý máseleleri jóninde keńes ótkizdi, dep habarlaıdy Almaty-akshamy.kz Premer-Mınıstrdiń baspasóz qyzmetine silteme jasap.
Reformalaý aıasynda QDB elimiz úshin strategıalyq jáne ekonomıkalyq mańyzy bar, ótelý merzimi uzaq aýqymdy ári kapıtaldy kóp qajet etetin ınvestısıalyq jobalardy, sondaı-aq ındýstrıalyq óndiristerdi qarjylandyrýǵa kóbirek baǵdarlanady dep josparlanyp otyr.
«QDB jańa óndiris oryndaryn qurý jobalaryn qarjylandyrýǵa mańyz berýi tıis. Qyzmettiń ashyqtyǵyn arttyrý, bıznes-prosesterdi ońtaılandyrý men sıfrlandyrý jáne bank qyzmetteriniń qoljetimdiligin keńeıtý jónindegi jumystardy odan ári jalǵastyrý qajet», — dep atap ótti QR Premer-Mınıstri Á.Smaıylov.