Úkimette QR Premer-Mınıstriniń birinshi orynbasary Roman Sklárdyń tóraǵalyǵymen Investısıalyq shtabtyń jańa formattaǵy birinshi otyrysy ótti.
Eske sala keteıik, osy jyldyń jeltoqsan aıynyń basynda Memleket basshysy Qasym-Jomart Toqaev Investısıalar tartý jónindegi keńeske (Investısıalyq shtabqa) erekshe ókilettikter beretin Jarlyqqa qol qoıdy.
Otyrysty asha otyryp, Roman Sklár ınvestısıalyq shtab músheleriniń aldyna qoıylǵan basty mindet ınvestısıalyq jobalardy jedel túrde iske asyrý jáne jalpy ınvestısıalardy tartý boıynsha jumystyń tıimdiligin arttyrý ekenin atap ótti, dep habarlaıdy Almaty-akshamy.kz Primeminister.kz-ke silteme jasap.
«Investısıalyq shtabtyń negizgi mindetteriniń biri – barlyq deńgeıdegi ınvestısıalyq jobalardyń problemalyq máselelerin sheshý. Ol úshin qajetti quraldar men ókilettikterdiń barlyǵy bar», — dedi birinshi vıse-premer.
Sonymen qatar R. Sklár ortalyq jáne jergilikti atqarýshy organdar basshylarynyń júrgizilip jatqan jumys nátıjeleri úshin jaýapkershiligi arttyrylǵanyn aıtyp ótti.
Otyrys barysynda Investısıalyq shtab qyzmetiniń jańa tásilderi qaralyp, naqty ınvestısıalyq jobalardy iske asyrýdyń ózekti máseleleri talqylandy.
Otyrys qorytyndysy boıynsha Roman Sklár ınvestorlardyń barlyq problemalyq máselesin qysqa merzimde sheshý úshin memlekettik organdar men uıymdarǵa birqatar qajetti tapsyrma berdi.