Premer-Mınıstrdiń birinshi orynbasary Roman Sklárdyń tóraǵalyǵymen ótken arnaıy úkimettik komısıanyń otyrysynda Almaty, Jambyl, Atyraý, Qyzylorda jáne Túrkistan oblystarynyń sý tasqyny kezeńinen ótýge daıyndyǵy qaraldy.
Úkimettik komısıa Premer-Mınıstrdiń ókimimen qurylǵan bolatyn. Bul týraly Almaty-akshamy.kz Rrimeminister.kz-ke silteme jasap.
Talqylaýǵa óńirler ákimdikteriniń, Tótenshe jaǵdaılar, Indýstrıa jáne ınfraqurylymdyq damý, Ekologıa jáne tabıǵı resýrstar, Aqparat jáne qoǵamdyq damý mınıstrlikteriniń ókilderi qatysty.
Keńes qorytyndysy boıynsha óńirlerdiń ákimderine barlyq qajetti qyzmetter men uıymdardy jumyldyryp, sý tasqyny kezeńinen tıimdi ótý úshin arnaıy tehnıka men materıaldar daıyndaý, sondaı-aq apattyq qyzmetterdiń is-qımyldaryn tıisti úılestirýdi uıymdastyrý tapsyryldy.
Sonymen qatar Ekologıa jáne tabıǵı resýrstar mınıstrligi Syrdarıa jáne İle ózenderiniń arnalarynda tasqyn sýlardy qaýipsiz ótkizýdi úılestirýmen aınalysady, sý qoımalaryn, onyń ishinde Kóksaraı, Kúrti, Bartoǵaı, Bestóbe, Qyzylaǵash, Almaty, Ashybulaq, Aqeshki men basqa da sý qoımalaryn toltyrýdyń ruqsat etilgen kólemin belgileıdi jáne olarǵa tıisti baqylaý júrgizedi.
Sondaı-aq Syrdarıa ózeninde muzdyqtardyń irkilýin azaıtý úshin jarylys jumystary júrgiziletin bolady, al shekaralas memlekettermen transshekaralyq ózenderdegi sý shyǵyny týraly turaqty ózara aqparat almasý uıymdastyrylady.