Jekelegen óńirlerdegi tártipsizdikter saldarynan keltirilgen zalaldy joıý máseleleri jónindegi Úkimettik komısıa SHOB ókilderine keltirilgen shyǵyndy óteý tetigin bekitti
Úkimet rezerviniń qarajaty kásipkerlik sýbektilerine tólem jasaý úshin jergilikti atqarýshy organdarǵa jiberiledi, dep habarlaıdy Almaty-akshamy.kz
Jyljymaıtyn, jyljymaly múlik boıynsha, sondaı-aq joǵalǵan (urlanǵan) taýarlyq-materıaldyq qundylyqtar boıynsha keltirilgen zalal óteledi. Zaqymdalǵan jyljymaıtyn múliktiń ornyn toltyrý bekitilgen smetalyq qujattama negizinde júzege asyrylady.
Búlingen nemese joıylǵan jyljymaly múlik jáne taýarlyq-materıaldyq qundylyqtar boıynsha óteý ákimdik jáne/nemese «Kúshimiz birlikte» zardap shekken bıznesti qoldaý qory aıqyndaıtyn baǵalaý jáne aýdıtorlyq kompanıalar daıyndaǵan baǵaǵa sáıkes júrgiziletin bolady.
Joǵalǵan (urlanǵan) taýarlyq-materıaldyq qundylyqtar boıynsha óteý somasy rastaıtyn qujattardyń negizinde, al olar bolmaǵan jaǵdaıda – kásipkerlik sýbektisiniń 2021 jylǵy ortasha aılyq aınalymy túrinde aıqyndalady. Joǵalǵan nemese búlingen múliktiń qunyn óteý úshin «InfoKazakhstan.kz» platformasynda tıisti ótinish berý kerek.
Zalaldy baǵalaýdy jáne óteletin qunnyń mólsherin aıqyndaýdy múlikke keltirilgen zıandy anyqtaý jónindegi óńirlik komısıalar jáne «Kúshimiz birlikte» qorynyń ótinimderin qaraý jónindegi komısıalar júrgizedi. Kásipkerlerdiń ótinishteri 5 kúntizbelik kún ishinde qaralady, maquldanǵan jaǵdaıda tıisti qarajat ótinish berýshige aýdarylady. Kásipkerlerge bıylǵy aqpan aıynan bastap tólem jasaý josparlanǵan.