Taralǵan postta «úkimet» dep aýdarylatyn aǵylshyn tilindegi government sóziniń etımologıasy týraly aıtylǵan. Avtordyń pikirinshe, bul sóz Guvernᾴre – «baqylaý» jáne Menschen oder mentis – «rýh, aqyl» degen ejelgi latyn sózderinen shyqqan.
Shyn máninde, fransýz tilinde guvernàre sózi joq, Menschen oder mentis sóz tirkesiniń de oǵan esh qatysy joq. Menshen – nemis tilinen aýdarǵanda «adamdar», oder – «nemese», al mentis latyn tilinen aýdarǵanda «aqyl» degendi bildiredi.
Bulardyń eshqaısysy aǵylshyn tilindegi government sóziniń etımologıasyn túsindirmeıdi.
Bul sóz shyn máninde «baǵyttaý», «basqarý» degendi bildiretin governer eski fransýz sózinen shyqqan. Ol eski fransýz tiline grek tilindegi «kemeni basqarý» degen maǵynany beretin kybernan sózinen kelgen eken. Keıin K dybysy G dybysyna ózgerdi.
-ment jurnaǵy aǵylshyn tiline latyn tilinen engen. Ol etistikten zat esimder jasaý úshin qoldanylady. Iaǵnı, govern – «basqarý» degendi bildiretin etistik, al government sózi «úkimet» dep aýdarylatyn zat esim.
Bul «úkimet» sózi «aqyl-oıdy baqylaý» degendi bildirmeıtinin dáleldeıdi, al taralǵan aqparat oqyrmandardy shatastyrady.