Qazaqstan Respýblıkasynyń Premer-Mınıstri Oljas Bektenovtiń Otan qorǵaýshy kúnimen quttyqtaýy
Qurmetti qazaqstandyqtar!
Barshańyzdy Otan qorǵaýshy kúnimen shyn júrekten quttyqtaımyn!
Qashanda qaısarlyq pen asqaq rýhtyń jarqyn úlgisin kórsetip kele jatqan aıbyndy armıamyz – elimizdiń táýelsizdigi men tutastyǵynyń myzǵymas kepili. Memleket basshysy – Joǵarǵy Bas qolbasshy Qasym-Jomart Kemeluly Toqaevtyń tikeleı qoldaýymen búginde Qarýly Kúshterimizdiń áskerı áleýetin jańǵyrtýǵa, kásibı deńgeıin sapaly damytýǵa erekshe nazar aýdarylyp keledi. Biz Otan aldyndaǵy qasıetti boryshyna adaldyq tanytqan qaharmandarymyzdy udaıy maqtan tutamyz. Bıylǵy alapat tabıǵı apat kezinde áskerı qyzmetshiler de elmen birge aýqymdy jumystardyń aldyńǵy shebinen tabyldy. Bul oraıda, sarbazdarymyz ben sardarlarymyzdyń qajyrly eńbekteri sheksiz qurmetke laıyq. Árkez abyroı bıiginen kórinińizder.
Osynaý mereıli kúni Qarýly Kúshterimizdiń ardagerlerine, el tynyshtyǵyn qorǵap júrgen áskerı qyzmetshilerdiń barlyǵyna myqty densaýlyq, shańyraqtaryna baq-bereke tileımin.
Egemen elimizdiń eńsesi bıik, irgesi berik bolsyn!