Bul – ısi musylmannyń ulyq merekesi.
QR Premer-Mınıstri Oljas Bektenovtiń qazaqstandyqtardy Oraza aıt merekesimen quttyqtady, dep habarlaıdy Almaty-akshamy.kz úkimettiń resmı resýrsyna silteme jasap.
Qurmetti qazaqstandyqtar!
Sizderdi ısi musylman qaýymynyń ulyq merekesi – Oraza aıttyń bastalýymen shyn júrekten quttyqtaımyn.
Oraza aıt – baýyrmaldyq pen ózara janashyrlyqtyń, ıgilikti ister men qaıyrymdylyqtyń merekesi. Halqymyzǵa tán dástúrli adamgershilik qasıetter, ásirese aýqymdy tabıǵı apat oryn alǵan qazirgideı kúrdeli kezeńde aıqyn kórinis taýyp otyr. Birligi bekem eldiń berekesi mol. Osynaý biregeı qundylyqtar memleketimizdiń odan ári ornyqty damýynyń negizi bola bermek.
Ramazan aıynda aýyz bekitken qaýymnyń izgi nıetteri qabyl bolyp, halqymyzdyń yntymaǵy arta bersin.
Barshańyzǵa zor densaýlyq, otbasylaryńyzǵa amandyq, eńbekterińizge tabys tileımin!