QR Premer-Mınıstri Asqar Mamın memlekettik organdardyń birinshi basshylary men ákimderge áleýmettik mańyzy bar taýar baǵasynyń ósýin tejeý jumystaryn kúsheıtýdi tapsyrdy, dep habarlaıdy almaty-akshamy.kz QazAqparatqa silteme jasap.
«Ekonomıkanyń 6 negizgi kórsetkishi boıynsha ósim jeti óńirde baıqalady. Bul - Atyraý, Qaraǵandy, Qyzylorda, Pavlodar, Soltústik Qazaqstan jáne Túrkistan oblystary men Nur-Sultan qalasy. 5 kórsetkish boıynsha oń dınamıka tórt óńirde - Aqtóbe, Mańǵystaý, Shyǵys Qazaqstan oblystary jáne Almaty qalasynda baıqaldy», - degen Úkimet basshysy eń tómen kórsetkish Batys Qazaqstan oblysynda ekenin atap ótti.
«Elde ınflásıa ósip jatyr, tamyzda ol 8,7 paıyz bolsa, qyrkúıekte 8,9 paıyz boldy. Inflásıanyń ósýine azyq-túlik taýarlary baǵasynyń qymbattaýy eń kóp áser etti. Bir apta ishinde áleýmettik mańyzy bar taýarlar baǵasynyń qymbattaýy 0,2 paıyzdy qurady. Baǵalar Nur-Sultanda, Mańǵystaý jáne Aqtóbe oblystarynda edáýir artty. Memlekettik organdardyń birinshi basshylary men ákimder ekonomıka sektorlarynda ósý qarqynyn ulǵaıtý, ınvestısıalar tartý, jumys oryndaryn qurý jáne áleýmettik mańyzy bar taýarlardyń baǵalaryn ósýin tejeý boıynsha jumysty kúsheıtýi qajet. Sonymen qatar, búdjet qarajatynyń ýaqytyly ıgerilýin qamtamasyz etýdi tapsyramyn», - dedi Asqar Mamın.