Ýımbldon chempıony, Qazaqstannyń birinshi, álemniń 23-raketkasy Elena Rybakınanyń San-Hose WTA-500 týrnırindegi qarsylasy anyqtaldy, dep habarlaıdy Almaty-akshamy.kz Inform.kz-ke silteme jasap.
AQSH-ta 1-7 tamyzda hard tósenishinde ótetin jarystyń alǵashqy aınalymynda qazaqstandyq tenısshi álemniń 12-inshi, osy dodanyń 7-raketkasy, reseılik Dará Kasatkınamen sheberlik baıqasady.
Álemniń 3-raketkasy, grekıalyq Marıa Sakkarı týrnırdi ekinshi aınalymnan bastap, amerıkalyq Shelbı Rodjers nemese kanadalyq Bánka Andreeskýdiń bireýimen kezdesedi. Jarystyń ekinshi raketkasy bolyp tirkelgen, dúnıejúzilik reıtıńte tórtinshi satydaǵy ıspanıalyq Paýla Badosa ekinshi raýndta amerıkalyq Elıson Rıske nemese irikteý saıysy jeńimpazdarynyń birimen kortqa shyǵady.
Alǵashqy aınalymdaǵy qyzyqty machtar dep mynalardy aıtýǵa bolady:
Amanda Anısımova (AQSH) – Eshlın Krúger (AQSH, WC);
Karolına Plıshkova (Chehıa, 8) – Keıtı Býlter (Ulybrıtanıa, WC);
Kamıla Djordjı (Italıa) – Garbıne Mýgýrýsa (Ispanıa, 5);
Naomı Osaka (Japonıa) – Chjen Sınven (Qytaı).
Dodanyń júlde qory 757 myń AQSH dollarynan asady.
Ótken jyly munda amerıkalyq Danıel Kollınz jeńimpaz atanǵan bolatyn.