eGov Mobile mobıldi qosymshasy, www.gov.kz jáne imei.rfs.gov.kz portaldary arqyly uıaly telefondy tekserýge bolady, dep habarlaıdy aqshamnews.kz
Sıfrlyq damý, ınovasıalar jáne aeroǵarysh ónerkásibi mınıstrligi mobıldi qurylǵylardyń verıfıkasıasyn qalaı tekserýge bolatynyn habarlady.
Búginde eGov Mobile mobıldi qosymshasy, www.gov.kz jáne imei.rfs.gov.kz portaldary arqyly uıaly telefonnyń tirkelgenin, ıa tirkelmegenin tekserýge bolady. Sondaı-aq naqty qurylǵyǵa baılanǵan nómirlerdiń sanyn bilýge múmkindik bar.
IMEI-kod tirkelgen qurylǵylar bazasynda bar bolsa, júıe onyń jelide tirkelgeni týraly habarlaıdy.
eGov Mobile mobıldi qosymshasy arqyly qyzmetti paıdalaný tártibi:
eGov Mobile qosymshasynda avtorızasıadan ótý kerek;
basty bettegi "Tanymal qyzmetter" bóliminen "Abonenttik qurylǵynyń IMEI kodyn tekserý" servısin tańdaý qajet;
jeke derekterge qol jetkizýge ruqsat berý kerek;
tekserýdiń qoljetimdi ádisteriniń birin tańdap, nátıjemen tanysý qajet.
www.gov.kz portalynda qyzmetti paıdalaný tártibi:
Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstrliginiń saıtyna ótý;
"Abonenttik qurylǵynyń IMEI kodyn tekserý" servısine silteme nemese banner arqyly kirý;
tekserýdiń qoljetimdi ádisteriniń birin tańdap, nátıjemen tanysý.
imei.rfs.gov.kz portalynda qyzmetti paıdalaný tártibi:
rfs.gov.kz saıtyna ótý;
tekserýdiń qoljetimdi ádisteriniń birin tańdap, nátıjemen tanysý.
Budan bólek, JSN arqyly tekserý fýnksıasy da qoljetimdi. Sondaı-aq IMEI-kod boıynsha abonentti tekserý servısi bar, ol belgili bir qurylǵyny qansha abonenttik nómir qoldanǵany jóninde aqparat beredi.