Vırýsynyń taralýyn boldyrmaý úshin shuǵyl sharalar qabyldanyp jatyr.
Ýgandanyń ortalyǵynda Ebola indetinen bir adam qaıtys boldy. Bul týraly seısenbide Ýgandanyń Densaýlyq saqtaý mınıstri Djeın Aseng aıtty, dep habarlaıdy Almaty-akshamy.kz Egemen.kz.
«Mýbende aýdany, Ngabano aýylynda turatyn 24 jastaǵy er adamda Ebola aýrýy rastaldy, juqtyrǵan adam qaıtys boldy», - dep jazdy Chimpreports jergilikti aqparattyq portaly.
Jergilikti bıliktiń habarlaýynsha, Ebola vırýsynyń taralýyn boldyrmaý úshin shuǵyl sharalar qabyldanyp jatyr.
«Bul aýrýmen kúresý bizdiń tájirıbemizde bar. Biz oǵan tolyq daıynbyz», - dedi mınıstr Djeın Aseng.
Ebola indeti Ýgandada 2000 jyly órshigen edi. Sol sátte indetten júzdegen adam qaıtys bolǵan-dy.
Ebola vırýsy jabaıy janýarlardan juǵady, sodan keıin adamdarǵa taralady. Aýrýdyń alǵashqy belgileri - qyzba, bulshyqet aýrýy, bas aýrýy jáne tamaq aýrýy. Odan keıin búırek pen baýyr qyzmetiniń buzylýy baıqalady, keıbir jaǵdaılarda ishki jáne syrtqy qan ketýler bastalady.
Ebola vırýsyn juqtyrǵan alǵashqy adam 1976 jyly qazirgi Kondok aımaǵynda tirkelgen. Juqtyrǵandar sany boıynsha eń úlken indet 2014-2016 jyldary Gvıneıa, Lıberıa jáne Serra-Leonede oryn aldy. Onyń qurbandarynyń sany 11 myńnan asty.