Fýtboldan UEFA Ulttar lıgasynyń tórtinshi týryndaǵy Qazaqstan-Slovakıa kezdesýinde qazylyq etetin tóreshiler quramy belgili boldy, dep habarlaıdy Almaty-akshamy.kz Inform.kz-ke silteme jasap.
Kezdesýde belgıalyq Bramom van Drıske bas tóreshi qyzmetin atqarady. Oǵan otandastary Romen Devııers pen Kevın Montenı kómekshilik jasaıdy. Qosalqy tóreshi de belgıalyq Jonatan Lardo. Sondaı-aq, tóreshiniń vıdeo jóninen kómekshisi nıderlandylyq Ingmar Oýstrom.
Aıta ketsek, qazaqstandyq fýtbolshylar S lıgasy úshinshi tobynda synǵa túsedi. Qarsylastary - Belarýs, Ázerbaıjan men Slovakıa. Alǵashqy úsh týrdan keıin 7 upaı jınaǵan Qazaqstan birinshi orynda keledi.
Qazaqstandyq fýtbolshylar Ázerbaıjandy 2:0, Slovakıany 1:0 esebimen tize búktirse, Belarýspen 1:1 esebimen teń tústi. Qazaqstan-Slovakıa kezdesýi elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.