Bul týraly Oqý-aǵartý mınıstri aıtty, dep habarlaıdy Almaty-akshamy.kz Elorda.info-ǵa silteme jasap.
«Balalar Ulttyq biryńǵaı testileýdi tapsyryp bolǵannan keıin de tıisti tekseris júrgiziledi. Ol tekseris qysqa deıin sozylady. Keıbireýler grant taratylǵanda ony jeńip alǵanymen, vıdeolardy, baldaryn qaraǵan kezde ártúrli aýytqýlar tabylsa, onda grant joıylady», - dedi Asqat Aımaǵambetov mınıstrliktiń apparat jınalysynda.
Onyń atap ótýinshe, talapkerdiń qańtarda, naýryzda, mamyrda tapsyrǵan UBT qorytyndysy tekseriledi.
«Tekserý barysynda aýytqý 20, 30 baldan kóp bolsa, bizde kúdik paıda bolady. Biz ol balalardyń vıdeolaryn bólek tolyǵymen qaraımyz. Ulttyq testileý ortalyǵy osyndaı úlken jumys júrgizip jatyr. Eger kúndeliktegi matematıkadan baǵasy tómen bolsa, al UBT-da joǵary bal alsa, onda qaraımyz. Múmkin shyn máninde jaqsy daıyndalǵan shyǵar. Alaıda, bizde kúdik paıda bolady jáne vıdeosyn qaraımyz», - dedi mınıstr.