Ǵylym jáne joǵary bilim mınıstrligi Ulttyq testileý ortalyǵymen birlesip, Ulttyq biryńǵaı testileýge daıyndyqty odan ári jaqsartý maqsatynda jaǵdaı jasap jatyr, dep habarlaıdy almaty-akshamy.kz
Oqý jylynyń basynda UTO-nyń saıtynda UBT-ǵa daıyndalýǵa usynylǵan oqýlyqtar tizimi, úlgilik test tapsyrmalary, test spesıfıkasıalary jáne jospary jarıalandy.
Talapkerlerge jyldaǵy dástúr boıynsha Qazaqstan tarıhy jáne Dúnıejúzi tarıhy pánderinen Tarıh ınstıtýtymen birlesip bekitilgen 100 data tizimi usynyldy. Testileý barysynda dataǵa qatysty kezdesetin suraqtar tek osy hronologıalyq kesteden bolady.
Sondaı-aq, UBT-da «Qazaq ádebıeti» men «Orys ádebıeti» pánderinen kezdesetin shyǵarmalar tizimi (mektep baǵdarlamasynan), sondaı-aq «Informatıkadan» UBT suraqtarynda kezdesetin nemese suraqtyń mazmunyn túsiný úshin qajet termınder tizimi UTO saıtynda ornalastyryldy.
«Talapkerlerge tıimdi bolý úshin UBT-ǵa daıyndalýǵa arnalǵan baıqaý synaqtaryn iske qostyq. Baıqaý synaǵyn ótý kezinde túsýshi test tapsyrmalarymen tanysýǵa jáne tańdaǵan pánderi boıynsha óziniń bilim deńgeıin tekserýge múmkindik alady. Meniń oıymsha, bul balalarǵa óz daıyndyqtaryn odan ári jaqsartýǵa kómektesedi», - dep atap ótti QR ǴJBM Ulttyq testileý ortalyǵynyń dırektory Rýslan Emelbaev.
Sonymen qatar 2024 jylǵy túlekter úshin bilim berý ortalyqtarynyń qoldaýymen tegin onlaın sabaqtar júrgizilip jatyr. Bul sabaqtar bilim berý ortalyqtarynyń YouTube arnalarynda tikeleı efırde ótip, saqtalady. Talapkerler kez kelgen ýaqytta olardy qaıta qaraı alady.