UBT bastalǵaly túlekter 267 myń ret test tapsyrǵan.
Testileý kezinde erejelerdi buzǵany úshin aýdıtorıadan 273 adam shyǵarylyp, olardyń nátıjeleri joıyldy, dep habarlaıdy Almaty-akshamy.kz
Talapkerlerdiń 76%-y qazaq tilinde, 24%-y orys tilinde, 292 ret aǵylshyn tilinde testileýden ótti.
Ulttyq testileý ortalyǵynyń málimetinshe, UBT bastalǵaly shekti baldy jalpy talapkerkerdiń 79%-y jınaǵan. Ortasha balǵa keletin bolsaq, ol 70 baldy qurady. Tórt adam eń joǵary kórsetkish kórsetip, 137 bal jınady.
UBT-nyń aıaqtalýyna birneshe kún qaldy. Jaqynda ǵana grant tizimi jarıalandy. Granttardyń basym bóligi "Injenerlik, óńdeý, qurylys salalary" bilim berý baǵdarlama toptaryna bólindi, olardyń sany 18 744 grantty quraıdy. Al "Pedagogıkalyq ǵylymdarǵa" – 12 560 grant, "Aqparattyq-kommýnıkasıalyq tehnologıalar" salasyna – 10 103 grant, "Jaratylystaný ǵylymdary, matematıka jáne statısıka" baǵytyna – 7 388 grant bólindi.
Sondaı-aq, "Serpin" baǵdarlamasy arqyly túsýshilerge 3 653 grant qarastyrylǵan. Jalpy, bakalavrıatqa túsý úshin 2023-2024 oqý jylynda 73 myńǵa jýyq grant bólingen.
Aıta keteıik, erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda alty aptanyń ishinde olar 719 ret UBT-ǵa qatysty.
Búgingi tańda 365 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde erejelerdi buzǵany úshin aýdıtorıadan 273 adam shyǵarylyp, olardyń nátıjeleri joıyldy. Bógde tulǵalar anyqtalǵan joq.
Aıta ketsek, 2023 jylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady.