Deneshynyqtyrý - saýyqtyrý kesheni (DSK) bir aýysymda 350 oqýshyny sabaqtan tys jumyspen qamtamasyz etedi
Almaty ákimi Erbolat Dosaev jumys sapary barysynda Medeý jáne Túrksib aýdandarynyń turǵyndarymen kezdesý kezinde «Alataý» shaǵyn aýdanyndaǵy jańa deneshynyqtyrý-saýyqtyrý keshenin (DSK) aralap, «Avıator» stadıonynyń aýmaǵyndaǵy DSK qurylysynyń jobasymen tanysty.Medeý aýdanynyń ákimi Erkebulan Orazalın deneshynyqtyrý-saýyqtyrý kesheninde shaǵyn fýtbol, basketbol, voleıbolǵa arnalǵan ámbebap sport zaly, 6 joldyq baseın, balalar baseıni, júzýshilerge arnalǵan qurǵaq jáine kúsh synaıtyn zaldardyń bolatynyn baıandady. Júzý, erkin kúres, dzúdo, aýyr atletıka, shahmat seksıalaryn ashý josparlanýda. DSK aýysymda 149 bala qatysa alady.
Nysannyń daıyndyǵyna qaramastan, tehnıkalyq pasporttyń bolmaýyna baılanysty keshendi iske qosý múmkin emes. Erbolat Dosaev tehnıkalyq qujattamanyń jaǵdaıyn 2024 jyldyń qańtar aıynyń sońyna deıin anyqtaýdy jáne DSK-niń ashylýyn shaǵyn aýdannyń 14 myńnan astam turǵyny kútetinin,iske qosý prosesin jedeldetýdi tapsyrdy.
«Alataý shaǵyn aýdanyndaǵy deneshynyqtyrý-saýyqtyrý kesheni geografıalyq jaǵynan eń shalǵaı, biraq ol shaǵyn aýdan turǵyndary úshin sporttyq ınfraqurylymnyń jetispeýshiligin óteı alady», - dep atap ótti Almaty ákimi.
Sondaı-aq, qala basshysy keshenniń barlyq alańynda ınklúzıvti orta qurý qajettigin atap ótti. Erbolat Dosaev sport basqarmasyna júzý seksıasynyń kestesinde erekshe qajettilikteri bar balalardyń sabaqtary úshin jetkilikti saǵat sanyn qarastyrýdy tapsyrdy.
Túrksib aýdanyndaǵy DSK aýysymyna 200 balany qamtýǵa eseptelgen.Mundaǵy jumystar 2022 jyldan bastap júrgizilýde. Jobalyq-smetalyq qujattamany ázirleýmen «KapRemProekt» merdigerlik uıymy aınalysady. Qurylystyń bastalýy 2024 jyldyń maýsymyna josparlanǵan.
Bul joba sport basqarmasymen birlesip, jumys jasaıtyn jattyqtyrýshylardyń, Halyqaralyq júzý Federasıasynyń erejelerin jáne QR Ulttyq atqyshtar qaýymdastyǵynyń usynymdaryn eskere otyryp ázirlendi. Sportshylar úshin 40 oryndyq 3 kıim aýystyratyn bólme qarastyrylǵan: árqaısysynda dýsh, jýynatyn bólme bolady. DSK-de 50 metrlik baseınnen basqa, medısınalyq pýnkt, túgendeý jáne jattyqtyrýshy bólmesi, sondaı-aq jylytý jáne daıyndyq zaly bolady.
«Keshende gımnastıka men kúsh jekpe-jegine arnalǵan badmınton, tenıs, gandbol sıaqty komandalyq sport túrlerine arnalǵan ámbebap zal qarastyrylǵan. Ekinshi qabatta atys alańy bolady. Jobanyń negizgi qaǵıdasy - aýmaqty barynsha tıimdi paıdalaný. Ǵımarattyń ózinde 4 kireberis bolady, onyń bastysy fýtbol alańyna qaraıdy. Eger dızaın týraly aıtatyn bolsaq, onda barlyǵy haıtek elementterimen mınımalızm stılinde jasalǵan», - dep atap ótti «KapRemProekt» sáýletshisi Murat Saǵyndyqov.
Erbolat Dosaev «Avıator» stadıonyndaǵy alańdy retke keltirýdi, sondaı-aq DSK ǵımaratynyń sapaly qasbettik jumystaryn júrgizýdi tapsyrdy. Qala basshysy jańa deneshynyqtyrý-saýyqtyrý keshenindegi baseın QR Sý sport túrleri federasıasynyń talaptaryna sáıkes salynǵanyn atap ótti: uıymnan ruqsat berý qujaty kez kelgen deńgeıdegi, sonyń ishinde halyqaralyq deńgeıdegi júzý boıynsha jarystar ótkizýge múmkindik beredi.
«Búginde qalada mundaı oryndar jetispeıdi. Buǵan sport basqarmasy qatysýy tıis», - dep atap ótti Almaty ákimi. Ol osy sport nysandaryna kelýshilerdiń qaýipsizdigin qamtamasyz etý máseleleri basymdyqta bolýy tıis ekenin atap ótti.
Anyqtama: Almatyda DSK qala ákiminiń tapsyrmasy boıynsha balalar men jastardy qoljetimdi sport seksıalarymen qamtamasyz etý, sondaı-aq halyqty salaýatty ómir saltyna tartý úshin salynýda. Megapolıste DSK qurylysy 2021 jyly bastaldy: 2022 jyly Jetisý aýdanyndaǵy Aınabulaq, Kemel jáne Qulagesyndy 3 shaǵyn aýdandardaǵy deneshynyqtarý - saýyqtyrý keshenderi búginde olar shtattyq rejımde jumys isteıdi. 2023 jyly Alataý jáne Zerdeli shaǵyn aýdandarynda 2 DSK qurylysy aıaqtald. 2024 jyly Jas qanat shaǵyn aýdanyndaǵy deneshynyqtyrý- saýyqtyrý kesheniniń qurylysyn aıaqtaý josparlanýda.