Almaty-akshamy.kz saıtynyń búgingi jańalyqtar lentasyna sholý – kún kerýeni
Almatydaǵy úshinshi vokzal
Mádenıet shaǵyn aýdany mańynda salynady. Platformany «Qazaqstan temir joly» salady. Bul joba Almatynyń 2040 jylǵa deıingi Bas josparynda jáne kólik qańqasynyń josparynda kórinis tapqan. Alataý aýdanyndaǵy Almaty-3 vokzalynyń qurylysy aglomerasıany damytý jónindegi jobalar keshenine kiredi. Jańa temirjol platformasy júk jáne jolaýshylar leginiń bir bóligin qaıta baǵdarlaýǵa, sonymen qatar, aınalymǵa qosymsha jolaýshylar poıyzdaryn qosýǵa múmkindik beredi, sonyń esebinen qalalyq avtojol ınfraqurylymynyń kólik júktemesi azaıady.
Sýdan «alǵan» alǵashqy altyn
Qatar astanasy Dohada ótip jatqan sý sporty túrlerinen álem chempıonatynda Qazaqstan sportshylary tarıhta alǵash ret altynnan alqa taqty. Edýard Kım men Nargıza Bolatova juby tehnıkalyq baǵdarlamada chempıon atandy. Ulttyq quramanyń qos sportshysy fınalda 228,0050 upaı jınady. Tóreshiler baǵdarlama qıyndyǵy jaǵynan olardyń ónerin joǵary baǵalady. Bul Qazaqstan atletteriniń sý sporty túrlerinen álem chempıonatynda qol jetkizgen alǵashqy altyn medali.
«Djetlagqa» shaldyqpaıyq!
Elimizde biryńǵaı ýaqyt beldeýine kóshý týraly qaýly qabyldandy. Kelesi aıdan bastap qazaqstandyqtar bir ýaqytpen júretin bolady. Ýaqyt beldeýinen qalys ne ozyq júrý «djetlag» sındromyna shaldyqtyrady eken. Biz ýaqytty 1 saǵat jyljytamyz dep jatyrmyz.
Ár eldiń ýaqyty geografıalyq jaǵdaıyna qaraı merıdıan syzyǵy boıynsha belgilengen. Saǵat ólshemi adamdardyń ómirin jeńildetý úshin oılap tabylǵan. Al «djetlag» sındromyna shaldyqqan adamnyń uıqysy qanbaıdy. Sosyn isi de ónbeıdi. Munyń syrtynda obyr, dıabet, qan tamyrlary júıesi aýrýlaryn týǵyzady. Ásirese qaterli isikke shaldyǵý qaýpi 15%-ke artady eken.
Ázirge 4-oryndamyz
Tashkentte aýyr atletıkadan Azıa chempıonaty bastaldy. Jarystyń birinshi kúninde Qazaqstannyń atynan Aınur Abdyqalyqova óz ónerin ortaǵa saldy. 45 kelige deıingi salmaqta kúsh synasqan otandasymyz julqa kóterýde 62 keli, al serpe kóterýde 75 kelini baǵyndyryp, eki jattyǵýdyń qorytyndysy boıynsha 137 kelimen 4-orynǵa taban tiredi. Aldaǵy kúnderi jarys jolyna taǵy 6 otandasymyz shyǵady.
Avtokólik qujaty úshin mamandandyrylǵan HQO-ǵa barmaı-aq qoıyńyz
Qańtardan bastap almatylyq avtokólik ıeleri onlaın rásimdegen qujattaryn Mamandandyrylǵan HQO-larǵa barmaı-aq ala alatyn boldy. Endi Almaty qalasy Jandosov kóshesi, 51 mekenjaıynda ornalasqan Áýezov aýdandyq HQO ǵımaratynyń 2-shi qabatynda onlaın formatta rásimdelgen daıyn qujattardy berý sektory jumys isteıdi. Munda “kólik quraldaryn tirkeý” jáne “júrgizýshi kýálikteri” boıynsha daıyn qujattardy alýǵa bolady.
Daıyn qujattardy berý sektory dúısenbi men juma aralyǵynda tańǵy 9:00-den 18:00-ge deıin úzilissiz jumys isteıdi.
Qytaı talanttylardy tartpaq
Qytaı premer-mınıstri Lı Sánnyń aıtýynsha, sheteldik mamandar Qytaıdyń ekonomıkalyq jáne áleýmettik damýyn ilgeriletýde jáne Qytaı men shet elder arasyndaǵy almasý men yntymaqtastyqty damytýda mańyzdy ról atqarady. Qytaı da saıasatty ońtaılandyryp, zıatkerlik menshik quqyǵy men basqa da quqyqtardy qorǵaýdy kúsheıtip, dúnıe júziniń túkpir-túkpirinen kelgen talanttardyń Qytaıda jumys istep, ómir súrýine jaqsy jaǵdaı jasamaq.
QR-kodpen dárigerge de barasyz...
Densaýlyq saqtaý vıse-mınıstri Beıbit Esenbaev málimdeýinshe, endi dárigerdiń qabyldaýynda bolǵanyńyzdy QR-kod arqyly rastaýǵa bolady.
Bul joba qazir Astana, Almaty jáne Soltústik Qazaqstan oblysynyń keıbir emhanalarynda iske qosyldy. Emdelýshi eGov mobıldi qosymshasy arqyly QR kodyn skanerleıdi. Qosymsha naýqastyń emdi bastaǵan ýaqytyn, medısınalyq uıymnyń ataýyn, dárigerdiń aty-jónin jáne emdi aıaqtaǵan ýaqytyn kórsetedi.
Ákimniń mastyǵy áli tarqamapty
Qaraǵandy oblysy, Buqar jyraý aýdany, Mustafın atyndaǵy aýylynyń ákimi Qaırat Qusaıynov kólikti mas kúıinde basqarǵany úshin ustaldy. Ákimshilik sot ákimdi jeti jylǵa kólik júrgizý quqyǵynan aıyryp, 15 táýlikke qamaýǵa aldy.
Dál osy Qaırat Qusaıynov 2018 jyldyń 25 tamyzynda da mas kúıinde kólik júrgizip bara jatqan jerinen ustalyp, úsh jylǵa kólik júrgizý quqyǵynan aıyrylǵan bolatyn.
Bul joly Qaırat Qusaıynovtyń memlekettik qyzmetker retindegi taǵdyry jazasyn ótep shyqqan soń belgili bolmaq.
Úkimet otstavkaǵa ketti
Memleket basshysy «Qazaqstan Respýblıkasynyń Úkimeti týraly» jarlyqqa qol qoıdy. Prezıdent QAÝLYSYNA sáıkes:
- Qazaqstan Respýblıkasy Úkimetiniń ornynan túsýi qabyldansyn.
- Qazaqstan Respýblıkasy Premer-Mınıstri mindetterin ýaqytsha atqarý Roman Vasılevıch Sklárǵa júktelsin.
- Qazaqstan Respýblıkasy Úkimetiniń músheleri Úkimettiń jańa quramy bekitilgenge deıin óz mindetterin atqarýdy jalǵastyra bersin.
- Osy Jarlyq qol qoıylǵan kúninen bastap qoldanysqa engiziledi.
"Altyn Ordanyń" burynǵy basshysy sottaldy
Ermek Marqabaevqa 296-baptyń 4-bóligi "Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý" boıynsha aıyp taǵyldy.
Sot úkimi boıynsha, QK-niń 296-baby 4-bóliginde kózdelgen qylmystyq quqyq buzýshylyqty jasaǵany úshin kináli dep tanylyp, oǵan 4 jyl merzimge bas bostandyǵynan aıyrý jazasy taǵaıyndaldy.