2025 jyldyń 1 qańtarynan bastap, Qazaqstanda sanıtarlyq kitapshalardy berý, esepke alý jáne júrgizý elektrondy formatqa kóshiriledi, dep habarlaıdy aqshamnews.kz
Bul azamattarǵa qujatty birneshe uıymǵa ońaı usynýǵa múmkindik beredi, osylaısha ýaqyt pen qarajat únemdeledi. Búginde elde 1,6 mıllıonnan astam adamnyń sanıtarlyq kitapshasy bar.
Sonymen qatar, basqa da mańyzdy medısınalyq qujattar elektrondy formatqa aýysady:
Eńbekke jaramsyzdyq paraǵy;
075/ý «Medısınalyq anyqtama»;
026/ý «DKK qorytyndysy»;
073/ý «TQ basqarýǵa ruqsat berý týraly anyqtama»;
069/ý «Sanatorıı-kýrorttyq karta»;
052-2/ý «Bala densaýlyǵy pasporty»;
076/ý «Qarýǵa ruqsat alý»;
038/ý «Eńbekke ýaqytsha jaramsyzdyq týraly anyqtama».
Qujattardy «eGov mobile» qosymshasyndaǵy «eDensaulyq» bóliminde, azamattardyń kelisimimen, úshinshi taraptarǵa elektrondy túrde usynýǵa bolady. Qazirgi ýaqytta bul jańashyldyqty engizý úshin aqparattyq júıelerdiń ıntegrasıasy júrgizilip jatyr.
Bul ózgeris jeke jáne memlekettik uıymdar arasyndaǵy qujat aınalymyn jeńildetip, densaýlyq saqtaý salasyndaǵy sıfrlandyrýdyń jańa kezeńine jol ashady.