8 shilde kúni Mask Twitter-ge kelisim sharttaryn buzǵanyn aıtyp, satyp alý mámilesinen bas tartqanyn habarlaǵan.
Twitter basshylyǵy áleýmettik jelini satyp alý mámilesin aıaqtaý úshin Tesla basshysy Ilon Masktyń ústinen AQSH sotyna shaǵym túsirdi, dep habarlaıdy Almaty-akshamy.kz Interfax.ru silteme jasap.
«Tvıtter bul talapty Maskty odan ári buzýǵa jol bermeý, Maskty óziniń zańdy mindetterin oryndaýǵa májbúrleý jáne birneshe sharttar oryndalǵan jaǵdaıda biriktirý operasıasyn aıaqtaýǵa májbúrleý úshin beredi», - delingen Delaver kanserlik sotyna jiberilgen qujatta.
8 shildede Mask Twitter-ge kelisim sharttaryn buzǵanyn aıtyp, satyp alý mámilesinen bas tartqanyn habarlady. Mask ókiliniń kompanıaǵa jazǵan hatynda bul sheshim áleýmettik jeliniń Maskqa platformadaǵy jalǵan nemese spam-akkaýnttardyń sany týraly aqparatty berýden bas tartýymen nemese bere almaýymen túsindirildi.
Sol kúni Twitter basshylyǵy Maskty sotqa berýge nıetti ekenin málimdedi.
Twitter 25 sáýirde Masktyń 44 mıllıard dollarlyq usynysyn qabyldady. Degenmen, mamyr aıynyń ortasynda kásipker Twitter áleýmettik jelidegi jalǵan akkaýnttardyń úlesine qatysty jaǵdaıdy túsindirmeıinshe, kelisimde budan bylaı ózgeris bolmaıtynyn aıtqan bolatyn.
Maýsym aıynda Mask kompanıanyń oǵan suralǵan derekterdi berýden bas tartýyna baılanysty mámileni toqtatamyn dep qorqytty. Sodan keıin Twitter ókili kompanıa kelisim sharttaryna sáıkes mámileni jabý úshin Maskpen aqparat almasýdy jalǵastyryp jatqanyn jetkizgen.