Kompanıanyń Dırektorlar Keńesi onyń usynysyn qabyldapty.
BBC agenttiginiń aqparatyna sáıkes, Ilon Mask Twitter-di 44 mlrd dollarǵa satyp alady, dep habarlaıdy Almaty-akshamy.kz
Twitter-diń ıelerine kompanıany satý týraly usynys jasaǵan Ilon Mask bul áleýmettik jeliniń áleýeti zor ekenin jáne ony óziniń iske asyra alatynyn málim etti.
Sáýir aıynda Mask Twitter-diń 9,2% aksıasyn 2,89 mıllıard dollarǵa satyp alyp, kompanıanyń eń iri aksıoneri atandy. Mask kompanıa aksıonerlerin shaqyryp, olarmen qarjylyq máseleni talqylady.
Aksıonerlerdiń qysymyna ushyraǵan Twitter bir aksıaǵa 54,20 dollar usynǵan Maskpen kelissózderdi bastady. Bul jańalyq shyqqan kezde Twitter aksıalarynyń bırjadaǵy baǵasy 6%-ǵa kóterildi.
Aǵymdaǵy mámileniń baǵasy Masktyń aksıalardyń 9%-yn satyp alýy týraly habarlandyrýdan bir kún burynǵy saýda qorytyndysymen salystyrǵanda 40% joǵary bolyp tur.