Ázirleýshiler toby qazir premıým-nusqasyn jasap jatyr.
Amerıkalyq mıllıarder Ilon Mask Twitter-di aqyly áleýmettik jelige aınaldyrý jolyn qarastyryp jatyr, dep habarlaıdy Almaty-akshamy.kz
Platformer portalynyń jazýynsha, Mask pen onyń keńesshisi Devıd Saks aqyrǵy kezdesýinde áleýmettik jelini paıdalanýshylardyń kóbine nemese barlyǵyna aqyly etý ıdeıasyn talqylaǵan. Mysaly, áleýmettik jeli paıdalanýshyǵa shekteýli ýaqyt ishinde tegin bolýy múmkin, sodan keıin oǵan betti júkteý úshin jazylym qajet bolady.
Ázirleýshiler toby qazir áleýmettik jeliniń aqyly premıým-nusqasyn jasaýmen aınalysyp jatqandyqtan, bul jańalyq jaqyn arada ene qoımaýy múmkin ekenin jazypty basylym.
27 qazanda Mask osy attas áleýmettik jelige ıe Twitter-di satyp alý týraly mámileni japty. Kásipker Twitter moderasıa máselesin zertteıtin arnaıy keńes quryp jatqanyn habarlady.
Mıllıarder áleýmettik jeli qyzmetkerleriniń 50%-ǵa jýyǵyn, onyń ishinde kontent moderasıasyna jaýapty komandanyń 15%-yn jumystan shyǵarý týraly sheshim qabyldaǵan-dy.