Almaty qalasynda ornalasqan №11 mekemede «Respýblıka kúni – ulttyq mereke» jáne «Qazaqstan – týǵan ólkem» degen taqyryptarmen tanymdyq, patrıottyq is-shara ótti.
Oǵan Jambyl atyndaǵy qalalyq jasóspirimder kitaphanasynyń is-sharalardy uıymdastyrý bóliminiń basshysy R.Qozbekova jáne kitaphanashylar qatysty.
İs-sharada túzeý mekemesinde jazasyn ótep jatqan jasóspirimder respýblıka taqyrybyn beıneleıtin sýretter saldy. Sol sýretterine túsinikteme berip, mán-maǵynasyn baıandap berdi. Sonymen qatar, patrıottyq óleńderdi mánerlep oqydy. Eldik taqyryptaǵy ánderdi shyrqady. Kitaphanashylar daıyndaǵan kitap kórmesin tamashalady.
İs-shara sońynda jeńimpaz jasópirimderdi Jambyl atyndaǵy qalalyq jasóspirimder kitaphanasynyń qyzmetkerleri jaqsy óner kórsetkenderi úshin marapattap, kitaptar syıǵa tartý etti.
– Jalpy, túzeý mekemesindegi bas bostandyǵynan aıyrylǵan órender biz júrgen syrtqy álemge shyqpaıdy, shyǵarylmaıdy. Sondyqtan bolar, basqa alańdaıtyn, elitetin eshteńe joq, sabaqtaryna barady, kitaphanaǵa kiredi, kórkem shyǵarmalar oqıdy, osyndaı tanymdyq, kópshilik is-sharalarǵa belsene qatysady. Osy oraıda Jambyl atyndaǵy qalalyq jasóspirimder kitaphanasynyń qyzmetkerlerine alǵys aıtqym keledi, – deıdi №11 mekemesiniń SAÁPTJB bastyǵy, ádilet podpolkovnıgi Alma Bázilbaeva.