Seýl dúkenderinde teńiz tuzy taýsyldy.
Keıingi ýaqytta jurt ony kóp mólsherde satyp alǵan. Suranys artqandyqtan taýar quny 27 paıyzǵa ósti, al keıin tipti tapshy boldy, dep habarlaıdy Almaty-akshamy.kz.
Koreıa turǵyndary balyq pen ózge de teńiz ónimderin molynan jınap, qamdana bastady. Sebebi halyq Japonıa bıliginiń radıoaktıvti sýdy muhıtqa tógý josparyna alańdap otyr. 2011 jyly alapat jer silkinisi men sýnamı saldarynan Fýkýsımanyń sýytý júıeleri qıraǵan edi, dep jazdy 24.kz. Apattan keıin ondaǵy rezervýarlarda bir mıllıon tonnaǵa jýyq radıoaktıvti sý jınalyp qalǵan. Ol reaktorlardy salqyndatý úshin qoldanylǵan. Mamandar sýdy muhıtqa aǵyzbas buryn arnaıy tazartýdan ótetinin aıtady. Lı Ian Mın, Seýl qalasynyń turǵyny: - Muhıtqa tókkennen keıin túk ózgerte almaımyz. Azamattarymyzdyń qaýipsizdigin oılap, radıoaktıvti sýdan qutylýdyń ózge amalyn tapqany jón bolar edi.