Bul týraly Úkimet otyrysynda Premer-mınıstrdiń orynbasary - Saýda jáne ıntegrasıa mınıstri Serik Jumanǵarın málimdedi, dep habarlaıdy Almaty-akshamy.kz.
Onyń málimdeýinshe, tutynýshylardyń quqyqtaryn buzýshylyq týraly ótinishterdiń sany jyl saıyn 20 paıyzǵa ósedi, dep jazdy Qazaqparat.
2022 jyly mınıstrlikte 30,2 myńnan astam ótinish qaraldy. Osyǵan uqsas jaǵdaı ózge memlekettik organdarda da baıqalyp jatyr. 2022 jyly 50 myńǵa jýyq ótinish kelip tústi, - dep málimdedi Jumanǵarın.
Ótinishter kóbine myna salalardan túsedi:
- bólshek saýda – 48 paıyz
- turmystyq qyzmetter – 19 paıyz
- elektrondyq saýda – 9 paıyz
- turǵyn úı-kommýnaldyq sharýashylyq – 5,6 paıyz .
Ótinishterdiń sany myna salalarda eń kóp ósken:
- qoǵamdyq tamaqtaný – 188 paıyz
- kólik qyzmeti – 143 paıyz
- medısınalyq qyzmet – 113 paıyz
- baılanys qyzmeti – 102 paıyz
Bul rette, tutynýshylardyń shaǵymdarynyń sany isterdiń naqty jaı-kúıin kórsetpeıtinin túsiný qajet, óıtkeni quqyqtary men zańdy múddeleri buzylǵan azamattardyń bári derlik memlekettik organdarǵa júginbeıdi, bul júrgizilgen sosıologıalyq zertteýlermen rastalady, - dedi vıse-premer.