Túrkistan oblysynyń ekobelsendileri osyndaı bastamany qolǵa alǵan.
Anyǵyn aıtqanda, olar turmystyq qaldyqtardy azyq-túlikke aıyrbastap beredi, dep habarlaıdy Almaty-akshamy.kz.
24.kz taratqan aqparatqa sáıkes, ázirshe joba Saıram aýdanynda jumys istep tur. Munda qaıta óńdeýge jaramdy qoqystyń kez kelgen túri qabyldanady. Shyny, plasık, alúmını shólmekter men polıetılen paket, qaǵaz qaptamalar da jınalady. Esesine, salmaǵyna qaraı kartop, qaraqumyq, qumsheker men pıaz sıaqty áleýmettik mańyzy bar taýar túrlerin alýǵa bolady. Qoǵam belsendileri osy arqyly qorshaǵan ortany taza ustap, ekologıaǵa orasan zor paıda ákelýge bolady dep esepteıdi.
«Biz qaıta óńdeýge bolatyn qaldyqtardyń barlyq túrin qabyldaımyz. Bekitilgen baǵasy bar, soǵan sáıkes aıyrbastaımyz. Al qabyldanǵan zattardy Shymkent, Kentaý, Almaty qalalaryndaǵy zaýyttarǵa jóneltemiz. Oǵan eshqandaı kedergi joq. Barlyǵymen kelisimshart jasastyq. Tek suryptap, syǵymdaýdan ótkizýimiz kerek», - dedi joba jetekshisi Vladıslav Golárko.