Túrmedegi inisine degen «baýyrmashyldyǵyn» esirtki zattaryn tasymaldaýmen bildirgen
Almaty qalasy boıynsha Qylmystyq-atqarý júıesi departamentine qarasty LA-155/18 mekemesinde tergeý tutqynyndaǵy baýyryna temekiniń arasyna jasyryp, apıyntektes tabletkalar ótkizbekshi bolǵan jigit ustaldy, dep habarlaıdy Almaty-akshamy.kz.
Mundaı nashaqorlar arasynda suranysqa ıe tabletkany túrmedegi baýyryna tasymaldaýshy Málik degen jigit bolyp shyqty.
Máliktiń inisi osy jyldyń qazan aıynda Qylmystyq kodekstiń 106-baby boıynsha densaýlyqqa aýyr zıan keltirgeni úshin tutqyndalǵan bolatyn.
«Ádette tergeý ızolátoryndaǵy týǵan-týystary men jaqyndaryna tyıym salynǵan zattardy tasymaldaýshylar túrli ádisti qoldanady. Etiktiń ultanyna tyǵyp ákeledi, nannyń arasyna salady, konfettiń nemese sháıdiń qorabyna jasyrady. Alaıda, baqylaýshylardyń jiti tekserýi arqasynda tyıym salynǵan zattar tutqyndarǵa jetpeıtini belgili. Osy joly da «LD” temekisiniń arasyna muqıat jasyrǵan tabletkalar baqylaýshylar nazarynan tys qalmady» -dep habarlaıdy QAJD baspasóz qyzmeti.
Túrmedegi inisine degen «baýyrmashyldyǵyn» esirtki zattaryn tasymaldaýmen bildirgen jigittiń ózi de endi jazadan tys qalmaıtyn boldy.