Áleýmettik jelide sońǵy ýaqyttaǵy jaǵdaılarǵa baılanysty osyndaı pikir tarady.
Ánshi Ábdijappar Álqoja sot sheshimimen 10 táýlikke ákimshilik qamaýǵa alyndy, dep habarlaıdy Almaty-akshamy.kz
Budan buryn Tursynbek Qabatovtyń, keıinirek Qaırat Nurtastyń qamalǵanyn habarlaǵanbyz.
Almaty oblysy polısıa departamentiniń baspasóz qyzmeti ánshi Ábdijappar Álqojanyń Qonaev qalasynda ustalǵanyn rastady.
Baspasóz qyzmetiniń málimetinshe, 6 shildede polıseıler Toyota Camry kóligin toqtatqan.
Tekserý barysynda júrgizýshi kólik quralyn basqarý quqyǵynan aıyrylsa da, kólik júrgizip kele jatqany anyqtaldy. Kólikti aıyp turaǵyna jetkizgen kezde KIA Carnival kóligi kelip, onyń ishinde otyrǵan jolaýshy M. polısıa qyzmetkerlerine qysym kórsetip, tártip buzýshyǵa hattama toltyrýǵa kedergi keltire bastady. Zańsyz áreketterdiń jolyn kesý kezinde quqyqbuzýshy polısıa qyzmetkerlerine baǵynbady, - delingen habarda.
Er adam medısınalyq tekseristen ótken, nátıjesinde onyń «ortasha» dárejede alkogólge mas ekeni anyqtaldy.
«Nátıjesinde kólik quralyn basqarý quqyǵynan aıyrylsa da kólik júrgizgen Toyota Camry júrgizýshisi sot sheshimimen 10 táýlikke ákimshilik qamaýǵa alyndy. Sot sheshimimen quqyq qorǵaý organy qyzmetkeriniń zańdy talaptaryna baǵynbaǵany úshin KIA Carnival jolaýshysy da 10 táýlikke ákimshilik qamaqqa alyndy», - dep habarlady oblystyq PD ókilderi.