Tımýr Týrlovtyń Qazaqstan quramasy úshin ýáde etken 100 mln teńgesi bolashaq elimizdi halyqaralyq arenada kórsetetin jasóspirim fýtbolshylarǵa beriletin boldy. Bul týraly Tımýr áleýmettik jeli arqyly joldaǵan vıdeosy arqyly málim etti, dep habarlaıdy almaty-akshamy.kz.
Iá, bıylǵy jyly Eýro-2024 - ke jol taba almadyq. Biraq fýtbolshylar da, kásipkerler de barshańyzǵa málim nátıjege, bir orynda toqtap qalmaıdy.
Tımýr Turlov Semeı qalasynda fýtbol manejin salýǵa 1 mlrd teńgeden astam qarajat bólmek. Jáne 100 mıllıon teńge ınfraqurylymdy qosymsha abattandyrýǵa jumsalady.
«Biz Eýropa chempıonattarynda ózimizdi tabý jáne odan da keremet fýtbol kórsetý úshin júıeli jetistikterge jetý kerek ekenin túsinemiz. Desekte, biz jasóspirimder sportyna kóbirek ınvestısıa salýymyz kerek. Biz jastarymyzǵa ınvestısıa salýymyz kerek».
Bul «bıznes-memleket-qoǵam-sport» baılamy qalaı jumys isteýi kerek ekendiginiń jarqyn kórinisi. Al Semeı – fýtbolshylar daıyndaý jaǵynan erekshe óńir, fýtbol bastaǵan qala. Onda tárbıe alǵan shákirtterdi qaıta shaqyryp, alańda daıyndaýǵa óte joǵary múmkindikter bar.