Kóliktik qyzmet kórsetý sapasyn arttyrý maqsatynda 2023 jyly Túrksib aýdanynyń 5 jańa baǵytyna júrý úshin 171 avtobýs satyp alyndy jáne 7 marshrýt boıynsha quramdar jańartyldy.
Osy jyly quramdy odan ári jańartý jáne 20 marshrýtty kúsheıtý josparlanýda, onyń ishinde 5 baǵyt boıynsha 104 jańa avtobýstar osy jyldyń 1-shi toqsanynda qatynaıtyn bolady. Osylaısha 2024 jyldyń sońyna deıin sizderdiń aýdanyńyzǵa qyzmet kórsetetin avtobýs parki 50%-dan astam jańartylady, dep habarlaıdy almaty-akshamy.kz.
«Qaırat» shaǵyn aýdany turǵyndarynyń ótinishi boıynsha «Vostok» avtobýs parkin «Jetisý Semıreche» bazarynyń aýmaǵynan kóshirý júrgizilýde, ol osy jyldyń 1-shi toqsanynyń sońyna deıin aıaqtalady.
Ótken jyldan bastap qalada «Mektep avtobýsy» jobasy júzege asyrylyp jatqany ózderińizge málim. Túrksib aýdanynda 8 mektep avtobýsy 6 mekteptiń oqýshylaryn tasymaldaıdy. Jańa oqý jylynyń basynan bastap biz 10 mekteptiń 2 myńnan astam oqýshysyn qamtý úshin sizderdiń aýdanyńyzdaǵy avtobýstardyń sanyn 22 birlikke deıin arttyrýdy josparlap otyrmyz, dedi qala ákimi aýdan turǵyndarymen kezdesýinde.