Almaty ákimi Túrksib aýdanyndaǵy eski turǵyn úılerdi jańartý baǵdarlamasy boıynsha úılerdiń qurylys barysymen tanysty
Jumys sapary aıasynda qala ákimi Erbolat Dosaev eski turǵyn úılerdi jańartý baǵdarlamasy boıynsha turǵyn úılerdi salý jáne turǵyndardy kóshirý barysymen tanysty.
Investısıalyq joba sharty men Almaty qalasy ákimdiginiń 2020 jylǵy 11 qyrkúıektegi qaýlysy negizinde Túrksib aýdanynda Seıfýllın, Kassın, Kotelnıkov, Aqan seri kósheleriniń aýmaǵyndaǵy «Qazaq Stroy» qurylys salýshysy 8 kóppáterli turǵyn úıdi salyp jatyr.
- 2022 jyly osy aýmaqta birinshi kezek boıynsha 119 páterge arnalǵan 6 qabatty eki úı salynyp, paıdalanýǵa berildi, oǵan jaqyn mańdaǵy eski úılerdiń turǵyndary kóshirildi.
- Ekinshi kezekti turǵyn salý úshin eki qabatty 12 eski úı buzyldy. Olardyń ornynda bıyl maýsym aıynda 429 páterge arnalǵan 6 kóppáterli úıdiń qurylysy aıaqtalady, onyń 130-y – eski turǵyn úı turǵyndaryna arnalǵan.
- Úshinshi kezekti úı salýdy bastaý úshin 160 páterden turatyn 18 eski úıdiń turǵyndaryn ekinshi kezektegi úılerge kóshirý qajet. Alaıda 34 menshik ıesi kóshýge áli kelisken joq, 126-sy aıyrbaýǵa kelisti.
Páter ıeleriniń kópshiligi tozyǵy jetken úıdegi jaǵdaıdyń joqtyǵyn aıtyp, olardy tezdetip kóshirýdi suraıdy. Olardyń aıtýynsha, turǵyn úıdi jóndeýge kelispeıtin menshik ıeleri óz páterin jalǵa beredi, sondyqtan turǵyn úı jaǵdaıyn jaqsartýǵa múddeli emes. Óz kezeginde qala ákimi turǵyndarǵa menshik ıeleriniń 100% kelisiminsiz ınvestor qonys aýdarýdy bastaı almaıtynyn túsindirdi. Munyń sheshimi retinde Erbolat Dosaev ózi qurǵan qonys aýdarý qoryn tartýdy usyndy. Eski turǵyn úıdi qaldyrýǵa kelisken azamattar qordyń páterlerine birtindep qonystana bastaıdy.
«Biz kúrdeli qurylys kásiporny arqyly tozyǵy jetken úılerdi bosatýdy bastaımyz. Sizderdiń jaǵdaı jasalǵan jańa turǵyn úıge kóshkenińizdi qalaımyn, óıtkeni men osyndaı páterlerge barǵan kezde ákim retinde júregim aýyrady», - dedi qala basshysy.
Turǵyndar ákimge turǵyndar kóshkisi kelmeıtin monsha, baý-baqsha, baseın, garajy bar kóptegen zańsyz ǵımaraty bar eski úıler týraly aıtyp berdi. Megapolıs basshysy qala qurylysyn baqylaý basqarmasyna óz betinshe salynǵan ǵımarattardyń zańdylyǵyn tekserýdi tapsyrdy. Sonymen qatar, kezdesýde turǵyndar kótergen barlyq másele zań aıasynda sheshiletinin jetkizdi.
Eski turǵyn úıdi jańasyna aýystyrǵan qala turǵyndary qala ákimine alǵys bildirdi.
«Eski úıler qorqynyshty, ómir súrýge kelmeıtindeı jaǵdaıda edi. Qazir bizde jańa, taza páterler bar. Men bul úıge eki jyl buryn qonystandym, biz óte qýanyshtymyz», - dedi jańa ǵımarattyń turǵyny.
Erbolat Dosaev aýdan ákimdigine jańa úılerdiń aýmaǵyn abattandyrý men kógaldandyrýdy baqylaýdy, sondaı-aq turaq oryndaryn qarastyrýdy júktedi.
Megapolıs basshysy jaıly qalalyq orta qurý – ákimdik jumysynyń basty baǵyttarynyń biri, al eski turǵyn úı máselesi Túrksib aýdanyndaǵy eń ózekti máseleniń biri bolyp qala beretinin atady.
Aıta keteıik, Túrksib aýdanynda kóppáterli turǵyn úı qorynda 1247 úıdi bar, jóndeýdi qajet etetin eski úılerdiń sany 586.