Túrksib aýdanynda mektepter jaǵdaıy jaqsarýda

Túrksib aýdanynda mektepter jaǵdaıy jaqsarýda Sýret: Kt.kz

Túrksib aýdanynda memlekettik mektep keńeıtilýde jáne eki jańa jeke menshik mekteptiń qurylysy aıaqtalyp qaldy.


Almatynyń Túrksib aýdanynda mektepterdegi oqýshylar oryndarynyń tapshylyǵy 1600-den asady. Osyǵan baılanysty bıyl aýdanda úsh mektep keńeıtilip, eski ǵımarattyń ornyna taǵy bir mektep salynady. Bul týraly Túrksib aýdanynyń ákimi Baqytjan Aqjarov Óńirlik komýnıkasıalar qyzmetiniń baspasóz konferensıasynda málimdedi, dep habarlaıdy Almaty-akshamy.kz.



B. Aqjarov Túrksib aýdanyndaǵy 29 mekteptiń ekeýi jekemenshiktiki ekenin aıtty. 32 442 oqýshy bar, al oqýshy oryndarynyń tapshylyǵy 1690-dy quraıdy.


Bul máseleni sheshý úshin jergilikti atqarýshy organdar №170 mekteptiń janynan 300 balaǵa arnalǵan jańa korpýsty salýǵa sheshim qabyldady. Qazirgi ýaqytta nysannyń daıyndyǵy 90%-dy quraıdy, qurylys oqý jylynyń basyna deıin aıaqtalady.


Sondaı-aq, Seıfýllın dańǵylynda 590 oryndy jeke mekteptiń qurylysy aıaqtalýǵa jaqyn, nysan 93%-ǵa daıyn. 2021 jyldyń jeltoqsanyna deıin Qaırat shaǵyn aýdanynda 1500 oryndy mekteptiń qurylysyn aıaqtaý josparlanýda.


Túrksib aýdanynyń ákimi Saýranbaev kóshesinde burynnan bar ǵımaratty buzyp, onyń ornyna №59 mektep-gımnazıanyń jańa ǵımaratyn salý úshin jobalyq-smetalyq qujattardyń ázirlenip jatqanyn aıtty. 


B. Aqjarovtyń aıtýynsha, aýdanda mektepke deıingi mekemeler máselesi de sheshilýde. Aýdanda jumys istep turǵan 93 balabaqsha jetkiliksiz, sondyqtan «Jas qanat» shaǵynaýdanynda 280 oryndyq balabaqshanyń qurylysy bastaldy. Ǵımarat jyl sońyna deıin salynyp bitedi.



«Bıyl "Qaırat" shaǵynaýdanynda 260 oryndy memlekettik balabaqshanyń qurylysy, sondaı-aq Stahanovskaıa kóshesindegi №70 sanatorlyq bóbekjaıdy kúrdeli jóndeý jáne seısmıkalyq kúsheıtý  josparlanýda», - dedi Túrksib aýdanynyń ákimi. 



Aıta ketsek, 100 oryndy №86 balabaqshany jáne Almaty qalalyq múmkindigi shekteýli balalardy ońaltý ortalyǵyn seısmıkalyq nyǵaıtý boıynsha jumystar aıaqtaldy. Sonymen qatar 103 oryndy úsh jekemenshik balabaqsha bar.


B. Aqjarov aýdannyń densaýlyq saqtaý ınfraqurylymy týraly aıtty. Onyń aıtýynsha, aýdanda jeti qalalyq emhana men alty aýrýhana bar. Qosylǵan halyqtyń sany 247 myń adamdy quraıdy. Medısınalyq tehnıkamen jabdyqtalý – 86%.



«Qala turǵyndaryna yńǵaıly bolý úshin bıyl "Nurshashqan" shaǵynaýdanynda aýysymyna 100 kelýshige arnalǵan dárigerlik ambýlatorıa men "Qaırat" shaǵynaýdanynda aýysymyna 500 kelýshige arnalǵan emhananyń qurylysyn bastaý josparlanýda», - dedi B.Aqjarov.



Sonymen qatar, Aıbasov kóshesinde boı kóteretin aýysymyna 200 kelýshige arnalǵan dárigerlik ambýlatorıa qurylysynyń jobalyq-smetalyq qujattary ázirlenýde.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

12:45

12:29

12:14

11:49

11:37

11:04

10:45

10:30

10:19

09:56

09:37

09:30

17:21

16:52

16:41

16:35

16:19

16:05

15:14

15:03

13:21

13:11

13:09

13:05

12:57